RENUNGAN 1 RAJA-RAJA 17: 7-16, MANGALEHON NANG PE HURANGAN (MEMBERI DARI KEKURANGAN). 1 Raja 17: 7-16 Horas ma di hita. Selamat Ari Minggu XXIV dung Trinitatis (10 Nov 2024). Las ma rohanta marsomba tu Tuhanta, mamuji pasangaphon goar-Na, huhut tumangihon hata-Na, sihangoluhononta. Disoarahon hata ni Debata do tu hita sadarion, na dienet sian buku 1 Rajaraja 17: 7-16, asa sai rade rohanta mangalehon tu Tuhan i marhite naposo-Na, sian na adong di hita, nang pe mangihuthon pamingkirionta ndang tama hita mangalehon, ala hurangan do hita. Alai turpuk hata ni Debata sadarion manogunogu hita, asa na hurang di hita i pe ingkon pelehononta do tu Debata asa gabe tuk di hita, so hurangan be, marhite pasupasu ni Tuhanta i. 1. Diparmudumudu Debata do naposo-Na nang pe mangadopi hamaolon. Disuru Debata do naposo-Na, i ma panurirang Elia, laho paingothon bangso-Na, naung lilu haporseaon-Na, ala diboan rajana, i ma raja Ahab bangso i marsomba tu debata Baal, i ma debata ni halak Kanan i, na dihaporseai nasida silehon hanapuon ni tano marhite na paro udan dungi tubu ma dohot denggan angka suansuanan, ramos marparbue gabe makmur ma parngoluon nasida. Alai dialo panurirang Elia do i, jala dipaingothon bangso Israel dohot raja Ahab, paboa holan Debata Jahowa do na tuk mangatur hasiangangan on. Ibana do nampuna huaso di udan, na boi mangotapi udan i ndang ro tu portibion. Ala so ditangihon bangso dohot raja Ahab hata ni Debata na pinatolhas ni panurirang Elia, gabe diuhum Debata ma bangso i marhite na so diparo Debata be nambur dohot udan leleng ni tolu satonga taon. Alani rahar ma tano i, ndang tubu be manang aha suansuanan, susah ma bangso i di sipanganon dohot siinumon. Alai anggo naposo ni Debata ndang hurangan di sipanganon, tuk do huaso ni Debata laho marmudumuduhon naposo-Na. Di na diparo Debata hasusaan i tu bangso-Na, disuru Debata ma si Elia maringanan parjolo tu halongonan di topi ni sunge Karit di bariba ni sunge Jordan. Sian sunge i ma ibana minum, jala disuru Debata ma angka pidong sigak manarui sipanganonna, i ma sagusagu dohot juhut. Ndang hurangan manang aha pe si Elia disi di sipanganon. Jadi sian i tarida di hamamasa ni angka hamaoolon na niadopan ni angka naposo-Na, tuk do huaso ni Debata marmudumuduhon angka na naposo-Na i, unang gabe mate anturaparon. Alai dung adong sataon, marsik ma sunge Karit i, ala na so ro be udan songon i lelengna. Alai ragam do dalan ni Debata manarihon naposo-Na, laos marhite angka pambahenan-Na i do Debata patuduhon hoaso-Na, na Ibana do manggomgomi langit dohot tano on ro di nasa isina sudena. Ala ni i disuru Debata ma si Elia manadinghon sunge Karit i, jala borhat tu huta Sarpat donokhon huta Sidon, di luat Funisia ( di sekitar daerah Libanon nuaeng), na so masuk be tu wilayah ni Israel. Jala huta i i ma sada pusat ni inganan parsombaon tu debata Baal hatiha i. Jadi pangisi ni huta i i ma angka sisomba debata baal. Alai di huta i nunga disuru Debata sada ina na mabalu laho marmuduhon si Elia. Suraon, ina na mabalu i nunga sihabiari Debata Jahowa. 2. Mangalehon sian hahurangan. Ina na mabalu na di hura Sarpat i, ndada paradongan, alai sahalak na pogos situtu do. Tarlumobi tontu mangonai do tu nasida panghorhon ni logo ni ari na pinamasa ni Debata naung martaon lelelengna. Ina na mabalu na di huta Sarpat i ma disuru Debata marmuduhon si Elia, jala maringanan di si ma si Elia saleleng masa hasusaan ala ni logo ni ari i .Di na pajumpang ibana dohot ina na mabalu i, parjolo dipangido si Elia ma sian ina na mabalu i aek saotik bahen inumonna. Alai di na laho ina na mabalu i naeng mambuat aek na pinangido ni si Elia i, manigor udut muse dipangido si Elia asa laos dibuat ina na mabalu i di ibana santopik sagusagu. Alai sian bulus ni roha dialusi ina na mabalui ma si Elia, na so adong be di ibana nanggo sada sagusagu, nda holan itak sampohul di bagasan hudon dohot saotik miak di bagasan guriguri. I na ma bohal parpudi na pineop ni ina na mabalu i, jala na tongon marsobansoban do ibana, asa pulionna itak i bahen sagusagu di ibana dohot di sada anakna. Molo suda i dipangan mate ma nasida, ala so ada be sipanganonna. I ma pangantusion ni ina na mabalu i hatiha i, dohot na niantusan ni torop halak na so marhaporseaon tu Debata, mangolu jolma ala ni sipanganon do. Alai dipapos si Elia ma roha ni ina na mabalu i na so holan sipanganon hangoluan ni jolma. Alani i didok si Elia ma tu ina na mabalu i: "Unang ho mabiar, laho ma ho, bahen ma songon na nidokmu, alai pauli di ahu jumolo sian i sada sagusagu na metmet, jala boan tu ruar di ahu, dung pe i asa pauli di ho dohot di anakmu. Ai songon on do hata ni Jahowa, Debata ni Israel: Ia itak na di bagasan hudon ndang olo suda, jala miak na di bagasan guriguri ndang jadi marsik, paima jumpang ari haroro ni udan tongoson ni Jahowa tu sisik ni tano on." Idaon pangidoan ni si Elia i, hira na mamingkirhon dirina do si Elia. Alai tujuan ni si Elia pasahathon pangidoanna i manguji haporseaon ni parompuan i do. Porsea do parompuan i di hata ni Debata na ni pinasahat ni si Elia, gabe dibahen ma songon na pinangido ni si Elia i, so pola ganggu rohana. Dungi rap manganhon ma nasida. Tutu do songon na nidok ni hata ni Debata, ndang olo suda itak na di bahasan hudon i, dohot miak na di bagasan guriguri i, paima tongoson ni Debata Jahowa udan tu sisik ni tano on. 3. Ndang hurangan naposo ni Debata dohot angka na porsea di Ibana. Hata ni Debata na dibaritahon di turpukta on, laos patuduhon panarihonon ni Debata do di naposo-Na dohot di sude na porsea di Ibana, nang pe mangadopi situasi na mansai maol. Songon si Elia rupani, dohot do Ibana mangadopi keadaan na maol mangalului sipanganon ala ni uhum ni Debata na pinasahatna tu bangso i. Alai ala ditoru ni huaso ni Debata do sude na tinompa-Na i, tuk do Ibana manarihon dohot marmuduhon naposo-Na so pola hurangan. Songon i do nang angka na porsea di Debata. Mangihuthon pingkiran dohot gogona, boi do ndang tarbahensa martahan mangolu ala so ada be sipanganon. Alai huaso ni Debata lobi do sian pingkiran dohot gogo ni jolma. Tarjadihon Debata do sian na so adong gabe adong. Alai tontu ndada siunjunanta Debata taringot tu son. Songon na hea diunjuni sibolis Tuhan Jesus dung so mangan dohot minum Ibana saleleng ni opat pulu ari. Didok sibolis ii, molo na tutu do Ho Anak ni Debata, bahen ma batuon gabe roti. Di parngoluonta on nang pe taboto diparmudumudu Debata hita, tongtong do dipangido Ibana hita mulaulaon dohot marusaha mamangke gogo dohot pingkiran na adong di hita. Alai tutu ndada mangasahon gogo dohot pingkiranta i hita, tongtong do ingkon mangasahon huaso ni Debata. Molo tongtong do hita porsea jala mangoloi hata ni Debata, songon ina na mabalu na di huta Sarpat i, gabe ndang hurangan be hita ganup ari di ngolunta on. Ai sisaotik na adong di ibana, ala dioloi ibana do mangulahon hata ni Debata na pinasahat ni naposo ni Debata, sisaotik na adong di ibana i ndang olo suda, sahat ro di tingkii na binuhul ni Debata. Jadi marhite i ndang sai jolo paradongan hita asa mangalehon peleanta tu Debata. Boi do songon ina na mabalu na di huta Sarpat i, dohot ina na mabalu na dibaritahon di turpuk Epistel on, didok Jesus di pangajarion-Na gumodang do i sian na pinelehoon ni angka paradongan i, ai angka paradongan i sian lobilobina do dipasahat, alai anggo ina na mabalu i, nang pe holan dua rimis do na pinasahatna i, gumodang do i sian na pinasahat ni angka paradongan i, ala i nama na adong di ibana, jala na adong di ibana i ndang diolani mamelehon i tu Debata ala porsea do ibana di panarihonon ni Debata di ngoluna. Molo rade do hita mamelehon sian hahuranganta i tu Debata, dungi dipasupasu Debata ma i gabe ndang hurangan be hita di ngolunta on.**" ______________________________ Evangelium: 1 Rajaraja 17: 7-16 7 Dung i marhira sataon lelengna, marsik ma sunge i, ala soada ro be udan di tano i. 8 Dung i ro ma hata ni Jahowa tu ibana songon on: 9 Borhat ma ho laho tu Sarpat na mardonokhon Sidon, maringan disi ma ho; ida ma, nunga Hudokhon sada parompuan na mabalu disi marmudu ho. 10 Dung i borhat ma ibana laho tu Sarpat; jadi dung sahat ibana tu harbangan ni huta i, ida ma, adong ma disi sada parompuan na mabalu na marsobansoban. Dung i joujou ma si Elia mandok tu nasida: Ua alap di ahu aek i otik di bagasan tabutabu on, asa minum ahu. 11 Alai dung laho nasida naeng mangalap, joujou muse ibana mandok tu nasida songon on: Ua buat di ahu santopik sagusagu di bagasan tanganmu. 12 Alai ninna parompuan i ma: Songon sintongna mangolu Jahowa, Debatam, ndang adong sagusagu di ahu nanggo sada, nda holan itak sampohul di bagasan hudon, angkup ni miak otik di bagasan guriguri, jala ida ma, na marsobansoban do ahu, asa laho ahu paulihon itak i di ahu dohot di anakhi, asa mangan hami na dua dung i mate ma. 13 Alai ninna si Elia ma tu nasida: Unang ho mabiar, laho ma ho, bahen ma songon na nidokmu, alai pauli di ahu jumolo sian i sada sagusagu na metmet, jala boan tu ruar di ahu, dung pe i asa pauli di ho dohot di anakmu. 14 Ai songon on do hata ni Jahowa, Debata ni Israel: Ia itak na di bagasan hudon ndang olo suda, jala miak na di bagasan guriguri ndang jadi marsik, paima jumpang ari haroro ni udan tongoson ni Jahowa tu sisik ni tano on. 15 Dung i laho ma parompuan i, dibahen ma songon na nidok ni si Elia, gabe mangan nasida, nang ibana nang parompuan i ro di isi ni jabuna ariari. 16 Ia itak na di bagasan hudon ndang olo suda, jala miak na di bagasan guriguri ndang olo marsik, hombar tu hata ni Jahowa, naung pinaboaNa hian marhite sian si Elia Epistel: Lukas 21:1-4 1 Dung i mamereng ma Ibana, gabe diida ma angka na mora na mandabuhon silehonlehonna tu bagasan poti parasian. 2 Alai diida ma boruboru na mabalu sada, na pogos, na mandabuhon dua rimis. 3 Gabe didok Ibana ma: "Situtu do hatangKon tu hamu: Gumodang do na nidabuhon ni na mabalu na pogos an sian saluhutna i. 4 Ai sasude nasida sian lobilobinasida be do didabuhon; alai ia parompuan an, sian pogosna i do didabuhon sasude na pineopna i."

 MANGALEHON NANG PE HURANGAN (MEMBERI DARI KEKURANGAN).

1 Raja 17: 7-16

Horas ma di hita. Selamat Ari Minggu XXIV dung Trinitatis (10 Nov 2024). Las ma rohanta marsomba tu Tuhanta, mamuji pasangaphon goar-Na, huhut tumangihon hata-Na, sihangoluhononta. Disoarahon hata ni Debata do tu hita sadarion, na dienet sian buku 1 Rajaraja 17: 7-16, asa sai rade rohanta mangalehon tu Tuhan i marhite naposo-Na, sian na adong di hita, nang pe mangihuthon pamingkirionta ndang tama hita mangalehon, ala hurangan do hita. Alai turpuk hata ni Debata sadarion manogunogu hita, asa na hurang di hita i pe ingkon pelehononta do tu Debata asa gabe tuk di hita, so hurangan be, marhite pasupasu ni Tuhanta i.

1. Diparmudumudu Debata do naposo-Na nang pe mangadopi hamaolon. Disuru Debata do naposo-Na, i ma panurirang Elia, laho paingothon bangso-Na, naung lilu haporseaon-Na, ala diboan rajana, i ma raja Ahab bangso i marsomba tu debata Baal, i ma debata ni halak Kanan i, na dihaporseai nasida silehon hanapuon ni tano marhite na paro udan dungi tubu ma dohot denggan angka suansuanan, ramos marparbue gabe makmur ma parngoluon nasida. Alai dialo panurirang Elia do i, jala dipaingothon bangso Israel dohot raja Ahab, paboa holan Debata Jahowa do na tuk mangatur hasiangangan on. Ibana do nampuna huaso di udan, na boi mangotapi udan i ndang ro tu portibion. Ala so ditangihon bangso dohot raja Ahab hata ni Debata na pinatolhas ni panurirang Elia, gabe diuhum Debata ma bangso i marhite na so diparo Debata be nambur dohot udan leleng ni tolu satonga taon. Alani rahar ma tano i, ndang tubu be manang aha suansuanan, susah ma bangso i di sipanganon dohot siinumon. Alai anggo naposo ni Debata ndang hurangan di sipanganon, tuk do huaso ni Debata laho marmudumuduhon naposo-Na. Di na diparo Debata hasusaan i tu bangso-Na, disuru Debata ma si Elia maringanan parjolo tu halongonan di topi ni sunge Karit di bariba ni sunge Jordan. Sian sunge i ma ibana minum, jala disuru Debata ma angka pidong sigak manarui sipanganonna, i ma sagusagu dohot juhut. Ndang hurangan manang aha pe si Elia disi di sipanganon. Jadi sian i tarida di hamamasa ni angka hamaoolon na niadopan ni angka naposo-Na, tuk do huaso ni Debata marmudumuduhon angka na naposo-Na i, unang gabe mate anturaparon. Alai dung adong sataon, marsik ma sunge Karit i, ala na so ro be udan songon i lelengna. Alai ragam do dalan ni Debata manarihon naposo-Na, laos marhite angka pambahenan-Na i do Debata patuduhon hoaso-Na, na Ibana do manggomgomi langit dohot tano on ro di nasa isina sudena. Ala ni i disuru Debata ma si Elia manadinghon sunge Karit i, jala borhat tu huta Sarpat donokhon huta Sidon, di luat Funisia ( di sekitar daerah Libanon nuaeng), na so masuk be tu wilayah ni Israel. Jala huta i i ma sada pusat ni inganan parsombaon tu debata Baal hatiha i. Jadi pangisi ni huta i i ma angka sisomba debata baal. Alai di huta i nunga disuru Debata sada ina na mabalu laho marmuduhon si Elia. Suraon, ina na mabalu i nunga sihabiari Debata Jahowa.

2. Mangalehon sian hahurangan. Ina na mabalu na di hura Sarpat i, ndada paradongan, alai sahalak na pogos situtu do. Tarlumobi tontu mangonai do tu nasida panghorhon ni logo ni ari na pinamasa ni Debata naung martaon lelelengna. Ina na mabalu na di huta Sarpat i ma disuru Debata marmuduhon si Elia, jala maringanan di si ma si Elia saleleng masa hasusaan ala ni logo ni ari i .Di na pajumpang ibana dohot ina na mabalu i, parjolo dipangido si Elia ma sian ina na mabalu i aek saotik bahen inumonna. Alai di na laho ina na mabalu i naeng mambuat aek na pinangido ni si Elia i, manigor udut muse dipangido si Elia asa laos dibuat ina na mabalu i di ibana santopik sagusagu. Alai sian bulus ni roha dialusi ina na mabalui ma si Elia, na so adong be di ibana nanggo sada sagusagu, nda holan itak sampohul di bagasan hudon dohot saotik miak di bagasan guriguri. I na ma bohal parpudi na pineop ni ina na mabalu i, jala na tongon marsobansoban do ibana, asa pulionna itak i bahen sagusagu di ibana dohot di sada anakna. Molo suda i dipangan mate ma nasida, ala so ada be sipanganonna. I ma pangantusion ni ina na mabalu i hatiha i, dohot na niantusan ni torop halak na so marhaporseaon tu Debata, mangolu jolma ala ni sipanganon do. Alai dipapos si Elia ma roha ni ina na mabalu i na so holan sipanganon hangoluan ni jolma. Alani i didok si Elia ma tu ina na mabalu i:

"Unang ho mabiar, laho ma ho, bahen ma songon na nidokmu, alai pauli di ahu jumolo sian i sada sagusagu na metmet, jala boan tu ruar di ahu, dung pe i asa pauli di ho dohot di anakmu.

Ai songon on do hata ni Jahowa, Debata ni Israel: Ia itak na di bagasan hudon ndang olo suda, jala miak na di bagasan guriguri ndang jadi marsik, paima jumpang ari haroro ni udan tongoson ni Jahowa tu sisik ni tano on." Idaon pangidoan ni si Elia i, hira na mamingkirhon dirina do si Elia. Alai tujuan ni si Elia pasahathon pangidoanna i manguji haporseaon ni parompuan i do. Porsea do parompuan i di hata ni Debata na ni pinasahat ni si Elia, gabe dibahen ma songon na pinangido ni si Elia i, so pola ganggu rohana. Dungi rap manganhon ma nasida. Tutu do songon na nidok ni hata ni Debata, ndang olo suda itak na di bahasan hudon i, dohot miak na di bagasan guriguri i, paima tongoson ni Debata Jahowa udan tu sisik ni tano on.

3. Ndang hurangan naposo ni Debata dohot angka na porsea di Ibana. Hata ni Debata na dibaritahon di turpukta on, laos patuduhon panarihonon ni Debata do di naposo-Na dohot di sude na porsea di Ibana, nang pe mangadopi situasi na mansai maol. Songon si Elia rupani, dohot do Ibana mangadopi keadaan na maol mangalului sipanganon ala ni uhum ni Debata na pinasahatna tu bangso i. Alai ala ditoru ni huaso ni Debata do sude na tinompa-Na i, tuk do Ibana manarihon dohot marmuduhon naposo-Na so pola hurangan. Songon i do nang angka na porsea di Debata. Mangihuthon pingkiran dohot gogona, boi do ndang tarbahensa martahan mangolu ala so ada be sipanganon. Alai huaso ni Debata lobi do sian pingkiran dohot gogo ni jolma. Tarjadihon Debata do sian na so adong gabe adong. Alai tontu ndada siunjunanta Debata taringot tu son. Songon na hea diunjuni sibolis Tuhan Jesus dung so mangan dohot minum Ibana saleleng ni opat pulu ari. Didok sibolis ii, molo na tutu do Ho Anak ni Debata, bahen ma batuon gabe roti. Di parngoluonta on nang pe taboto diparmudumudu Debata hita, tongtong do dipangido Ibana hita mulaulaon dohot marusaha mamangke gogo dohot pingkiran na adong di hita. Alai tutu ndada mangasahon gogo dohot pingkiranta i hita, tongtong do ingkon mangasahon huaso ni Debata. Molo tongtong do hita porsea jala mangoloi hata ni Debata, songon ina na mabalu na di huta Sarpat i, gabe ndang hurangan be hita ganup ari di ngolunta on. Ai sisaotik na adong di ibana, ala dioloi ibana do mangulahon hata ni Debata na pinasahat ni naposo ni Debata, sisaotik na adong di ibana i ndang olo suda, sahat ro di tingkii na binuhul ni Debata. Jadi marhite i ndang sai jolo paradongan hita asa mangalehon peleanta tu Debata. Boi do songon ina na mabalu na di huta Sarpat i, dohot ina na mabalu na dibaritahon di turpuk Epistel on, didok Jesus di pangajarion-Na gumodang do i sian na pinelehoon ni angka paradongan i, ai angka paradongan i sian lobilobina do dipasahat, alai anggo ina na mabalu i, nang pe holan dua rimis do na pinasahatna i, gumodang do i sian na pinasahat ni angka paradongan i, ala i nama na adong di ibana, jala na adong di ibana i ndang diolani mamelehon i tu Debata ala porsea do ibana di panarihonon ni Debata di ngoluna. Molo rade do hita mamelehon sian hahuranganta i tu Debata, dungi dipasupasu Debata ma i gabe ndang hurangan be hita di ngolunta on.**"

______________________________

Evangelium: 1 Rajaraja 17: 7-16

7 Dung i marhira sataon lelengna, marsik ma sunge i, ala soada ro be udan di tano i.

8 Dung i ro ma hata ni Jahowa tu ibana songon on:

9 Borhat ma ho laho tu Sarpat na mardonokhon Sidon, maringan disi ma ho; ida ma, nunga Hudokhon sada parompuan na mabalu disi marmudu ho.

10 Dung i borhat ma ibana laho tu Sarpat; jadi dung sahat ibana tu harbangan ni huta i, ida ma, adong ma disi sada parompuan na mabalu na marsobansoban. Dung i joujou ma si Elia mandok tu nasida: Ua alap di ahu aek i otik di bagasan tabutabu on, asa minum ahu.

11 Alai dung laho nasida naeng mangalap, joujou muse ibana mandok tu nasida songon on: Ua buat di ahu santopik sagusagu di bagasan tanganmu.

12 Alai ninna parompuan i ma: Songon sintongna mangolu Jahowa, Debatam, ndang adong sagusagu di ahu nanggo sada, nda holan itak sampohul di bagasan hudon, angkup ni miak otik di bagasan guriguri, jala ida ma, na marsobansoban do ahu, asa laho ahu paulihon itak i di ahu dohot di anakhi, asa mangan hami na dua dung i mate ma.

13 Alai ninna si Elia ma tu nasida: Unang ho mabiar, laho ma ho, bahen ma songon na nidokmu, alai pauli di ahu jumolo sian i sada sagusagu na metmet, jala boan tu ruar di ahu, dung pe i asa pauli di ho dohot di anakmu.

14 Ai songon on do hata ni Jahowa, Debata ni Israel: Ia itak na di bagasan hudon ndang olo suda, jala miak na di bagasan guriguri ndang jadi marsik, paima jumpang ari haroro ni udan tongoson ni Jahowa tu sisik ni tano on.

15 Dung i laho ma parompuan i, dibahen ma songon na nidok ni si Elia, gabe mangan nasida, nang ibana nang parompuan i ro di isi ni jabuna ariari.

16 Ia itak na di bagasan hudon ndang olo suda, jala miak na di bagasan guriguri ndang olo marsik, hombar tu hata ni Jahowa, naung pinaboaNa hian marhite sian si Elia

Epistel: Lukas 21:1-4

1 Dung i mamereng ma Ibana, gabe diida ma angka na mora na mandabuhon silehonlehonna tu bagasan poti parasian.

2 Alai diida ma boruboru na mabalu sada, na pogos, na mandabuhon dua rimis.

3 Gabe didok Ibana ma: "Situtu do hatangKon tu hamu: Gumodang do na nidabuhon ni na mabalu na pogos an sian saluhutna i.

4 Ai sasude nasida sian lobilobinasida be do didabuhon; alai ia parompuan an, sian pogosna i do didabuhon sasude na pineopna i."

Semua tanggapan:

5Aman Panjaitan, Rimawati Simanjuntak dan 3 lainnya

RENUNGAN MATIUS 24: 9-14, NA MANAHAN RO DI UJUNG I DO PALUAONNA (ORANG YANG BERTAHAN SAMPAI AKHIR AKAN SELAMAT). Mateus 24: 9-14 Horas ma di hita. Selamat Ari Minggu XXV dung Trinitatis (17 November 2024). Las ma rohanta marsomba tu Tuhanta, mamuji pasangaphon goar-Na, huhut tumangihon hata-Na sihangoluhononta. On ma minggu parpudi di hita andorang so ujung taon parhuriaon di minggu na ro. Ala ni nunga diarahon minggu on hita mamereng ujung ni hasiangan on dohot ujung ni ngolunta. Disoarahon hata ni Debata do tu hita sadarion na dienet sian Evangelium Mateus 24: 9-14, asa manahan hita sahat ro di ujung ni ngolunta dohot ujung ni portibion, ai na manahan ro di ujung do paluaonna. Di hatahon Jesus i tu angka sisean-Na, di na manghatahon taringot hasesega ni Jerusalem dohot Bagas Joro na uli jala na mansai togu na jongjong di huta i. Didok Jesus ndang pasombuonna sogot dua batu martinditindi na so hargaronna bagas joro i. Saut do i masa di na ro tentera Rom di taon 70 M niuluhon ni Jenderal Titus, mangaleksehon huta Jerusalem dohot bagas joro na disi. Sian mulai i sahat tu sadarion ndang adong be bagas joro ni halak Jahudi di huta Jerusalem. Alai gabe laos martudutudu do i tu ajal ni hasiangan on, na laos haroro ni Jesus muse paduahalihon tu portibion laho manguhumi halak na mangolu dohot na mate. Laos martudutudu do i nang tu ajal ni ngolunta. Marujung do saluhutna portibi on ro di nasa isina sudena, songon i nang ngolunta. Alai di pardalanan ni ngolunta saleleng di portibi on dipangido hata ni Debata sadarion do tu hita asa manahan hita sahat ro di ujungna, ai na manahan ro di ujungna do paluaonna. Manahan ro di ujungna, lapatanna marsihohot di haporseaonna, setia tongtong mangihuthon Jesus i nang pe godang angka parungkilon, sitaonon dohot haporsuhon sibolusonna saleleng di tano on. 1.Unang targasip hita nang pe mamolus godang haporsuhon. Didok Jesus do tu angka sisean-Na: "Dung i pasahatonna ma hamu tu haporsuhon, pola pusaonna do hamu, gabe hosoman ni bangso saluhutna hamu ala Goarhu. Jadi torop ma targasip di tingki i, gabe masijehean jala masihosoman ma!" On do na masa tu angka halak Kristen na parjolo i. Hona lele do nasida jala hona pusa sian angka na manghasogohon nasida dohot Kristus i. Ala ni torop do halak Kristen i na targasip, gabe marbalik nasida sian haporseaonna. I ma angka ma so manahan di haporsuhon i. Angkup ni tubu di tongatonga nasida na masijehean jala masihosoman. Alai ndada holan di tongatonga ni halak Kristen na parjolo i non i masa. Na boi masa do i saleleng di portibion do pe hita dohot huria i, lumobi di ujung ni partingkian. Ai disi lam manggogo do sibolis i laho manggugai haporseaon ni halak Kristen i. Boi do diparalat sibolis i penguasa ni portibion dohot kelompok masyarakat na so porsea di Jesus laho mansusai halak Kristen i. Boi do ala ni elaela dohot godaan haportibion isara ni laho mangalului huaso, jabatan dohot arta portibion tarela halal Kristen i "murtad" manadinghon haporseaonna. Di son ma ringkotna halak Kristen i mangido gogo sian Tuhan i marhitehite Tondi Parbadia, asa boi marsihohot di haporseaonna, manahan sahat ro di ujungna. Ala ni i Ingkon rade do angka na porsea mangadopi haporsuhon godang saleleng di pardalananna di portibi on. Manaon ala ni haunduhonna tu Kristus dohot alani pangoloionna di hataNa masuk bagian na so tarsirang do i sian haporseaon ni halak Kristen. 2. Jamot ma maradophon angka panurirang dohot angka parjamita pargapgap. Angkup ni na masa haporsuhon godang tu angka na porsea i, sada tanda na dipabotohon Jesus masa di ujung ni partingkian ni portibion, i ma hehe angka panurirang pargapgap mangaliluhon torop jolma. Jadi manjonokhon tingki parpudi i marhehean do angka panurirang pargapgap rodi angka parjamita pargapgap. Angka panurirang pargapgap dohot parjamita pargapgap ndang na naeng mamboan halak tu Jesus, alai mangalului hasangapon dohot pangmoan tu diri. Marhite angka jamita nasida torop do angka na porsea i sumurut sian haporseaonna. Angka na hot di haporseaonna tu hasintongan ni hata ni Debata dohot bibel i saotik do na tading. Angka na mangoku dirina na porsea manjalo " pangungkapon na imbaru" atik pe maralo do i tu na nidok ni hata ni Debata. On ma patubu angka pangaloon tu hasintongan ni Bibel i di tongatonga ni huria i. Di sandok portibion, martubuan do angka ilmu gaib, sihir, spiritisme dohot panombaon tu sibolis. Pengaruh ni angka setan ro di angka tondi na jahat lam tu gogona. Mangaramoti diri maradophon sude angka angkal ni sibolis i, holan di bagasan haporseaon dohot holong na hot tu Kristus i do, marhite na marsihohot tu huaso ni Hata ni Debata. Di ujung ni portibi on, lam tu raratna pe angka na so uhum, i ma ragam ni angka hajahaton na papeol uhum, jala lam tu ngalina hahoholongon ni roha ni torop jolma, alai anggo angka na marsihohot di haporseaonna tu Jesus i tongtong do mangolu di bagasan hasintongan dohot hatigoran ro di holong ni roha maradophon sude dongan jolma. 3. Tongtong mambaritahon Barita na uli taringot tu harajaon ni Debata tu liat portibi on.Tugas utama ni angka na porsea dohot huria i na pinasahat ni Jesus Kristus i ma mambaritahon barita na uli i tu sandok bangso na di portibi on (Mat. 28:18-20). Ingkon tu sude bangso do sahat barita na uli i. Barita na uli i i ma taringot tu harajaon ni Debata. Debata na gabe Raja marhite Jesus Kristus, mamboan hadameon, hatigoran dohot holong ni roha tu sandok jolma. Ingkon sahat do barita na uli i tu saluhutna bangso, dung pe i asa ro ujungna. Mambaritahon barita na uli i boi do marhite ulaon zending na pinatupa ni huria, alai boi do marhite na manghatindanghon di ngoluna barita na uli i i, i mangolu di bagasan hasintongan, hatigoran, hadameon dohot holong ni roha na sian Tuhanta. Tugas mambaritahon barita na uli on do naung niulahon.ni angka apostel na parjolo i, i ma angka sisean naung niajaran ni Jesus, ro di angka na jinou ni Jesus secara khusus songon si Paulus. Marhite nasida nunga rarat barita na luli i di sandok portibion. Nunga marjongjongan angka huria di tongatonga ni angka bangso, tarmasuk di tongatonga ni bangsonta. Alai nang pe songon i ndang jadi mansohot huria dohot angka porsea mambaritahon barita na uli i, sahat ro di ujung ni tingki ni hasiangan on. Jadi di na ro Kristus songon Panguhum di ajal ni hasiangan on, i do deba sipertanggung jawabhonon.ni huria i dohot angka na porsea di jolo ni Kristus i. Asa unang adong na marsidalian mandok, ndang sahat tu hami barita na uli i.*** ____________________________ Evangelium: Mateus 24:9-14 9 Dung i pasahatonna ma hamu tu haporsuhon, pola pusaonna do hamu, gabe hosoman ni bangso saluhutna hamu ala Goarhu. 10 Jadi torop ma targasip di tingki i, gabe masijehean jala masihosoman ma! 11 Dung i hehe ma lan panurirang pargapgap, mangaliluhon torop jolma. 12 Jadi ala na lam rarat na so uhum, lam tu ngalina ma haholongon ni roha di jolma godangan. 13 Alai na manahan ro di ujung, i do paluaonna. 14 Laos baritahononhon do barita na uli on na taringot tu Harajaon i di liat portibi on, laho mangkatindangkonsa tu saluhutna bangso; dung pe i, asa ro ujungna. Epistel: 1 Samuel 2:1-10 1 Dung i martangiang ma si Hanna, ninna ma: Marolopolop ma rohangku mida Jahowa, timbul do tandukhu di bagasan Jahowa, na hirtap situtu do pamanganhu dompak angka musungku, umbahen na las rohangku di pangurupionMi. 2 Ndang adong na badia, tudoshon Jahowa, ai ndang adong dungkon ni Ho, jala ndang adong partanobatoan, dungkon ni Debatangku. 3 Unang sai datdati hamu manenganengahon haginjangon, unang ruar hata jungkat sian pamanganmuna, ai Jahowa do, Debata nampuna angka parbinotoan, jala Ibana dumasing angka pambahenan. 4 Marponggolan do sior ni ulubalang, jala marhohos hatogaron do angka naung mandate. 5 Angka na lobian na sai laon laho do mansari sipanganon, jala angka na rapar hian marlanggelangge; pola tubuan anak pitu na hol hian, jala merus boti sitorop anak hian. 6 Jahowa do na mamunu dohot na pangoluhon; Ibana patuathon tu banua toru dohot panangkokhon muse. 7 Jahowa do na mambahen pogos dohot mambahen mamora; Ibana do paijurhon, laos Ibana patimbulhon muse. 8 Ibana pahehehon sian orbuk halak na tarjepol hian, jala dipatimbul na pogos i sian gambo laho pahundulhon tu lambung ni angka na sangap, jala diturpukhon habangsa hamuliaon tu nasida, ai Jahowa do nampuna angka ojahan ni tano on, jala dipaojak di atasna hasiangan on. 9 Sai na ramotanNa do pat ni angka na niasianNa, alai sai parendeponNa do di bagasan haholomon ianggo angka parjahat i, ai ndada binahen ni hagogoon sandiri marhuaso baoa. 10 Sai na tunduk do bahenon ni Jahowa halak angka na mangalo Ibana; mangkuling ronggurNa di banua ginjang di atas nasida; Jahowa manguhum angka ujung ni tano on sogot, jala lehonNa hamuliaon tu RajaNa, jala patimbulonNa sogot tanduk ni MessiasNa.

 NA MANAHAN RO DI UJUNG I DO PALUAONNA (ORANG YANG BERTAHAN SAMPAI AKHIR AKAN SELAMAT).

Mateus 24: 9-14

Horas ma di hita. Selamat Ari Minggu XXV dung Trinitatis (17 November 2024). Las ma rohanta marsomba tu Tuhanta, mamuji pasangaphon goar-Na, huhut tumangihon hata-Na sihangoluhononta. On ma minggu parpudi di hita andorang so ujung taon parhuriaon di minggu na ro. Ala ni nunga diarahon minggu on hita mamereng ujung ni hasiangan on dohot ujung ni ngolunta. Disoarahon hata ni Debata do tu hita sadarion na dienet sian Evangelium Mateus 24: 9-14, asa manahan hita sahat ro di ujung ni ngolunta dohot ujung ni portibion, ai na

manahan ro di ujung do paluaonna. Di hatahon Jesus i tu angka sisean-Na, di na manghatahon taringot hasesega ni Jerusalem dohot Bagas Joro na uli jala na mansai togu na jongjong di huta i. Didok Jesus ndang pasombuonna sogot dua batu martinditindi na so hargaronna bagas joro i. Saut do i masa di na ro tentera Rom di taon 70 M niuluhon ni Jenderal Titus, mangaleksehon huta Jerusalem dohot bagas joro na disi. Sian mulai i sahat tu sadarion ndang adong be bagas joro ni halak Jahudi di huta Jerusalem. Alai gabe laos martudutudu do i tu ajal ni hasiangan on, na laos haroro ni Jesus muse paduahalihon tu portibion laho manguhumi halak na mangolu dohot na mate. Laos martudutudu do i nang tu ajal ni ngolunta. Marujung do saluhutna portibi on ro di nasa isina sudena, songon i nang ngolunta. Alai di pardalanan ni ngolunta saleleng di portibi on dipangido hata ni Debata sadarion do tu hita asa manahan hita sahat ro di ujungna, ai na manahan ro di ujungna do paluaonna. Manahan ro di ujungna, lapatanna marsihohot di haporseaonna, setia tongtong mangihuthon Jesus i nang pe godang angka parungkilon, sitaonon dohot haporsuhon sibolusonna saleleng di tano on.

1.Unang targasip hita nang pe mamolus godang haporsuhon. Didok Jesus do tu angka sisean-Na: "Dung i pasahatonna ma hamu tu haporsuhon, pola pusaonna do hamu, gabe hosoman ni bangso saluhutna hamu ala Goarhu. Jadi torop ma targasip di tingki i, gabe masijehean jala masihosoman ma!" On do na masa tu angka halak Kristen na parjolo i. Hona lele do nasida jala hona pusa sian angka na manghasogohon nasida dohot Kristus i. Ala ni torop do halak Kristen i na targasip, gabe marbalik nasida sian haporseaonna. I ma angka ma so manahan di haporsuhon i. Angkup ni tubu di tongatonga nasida na masijehean jala masihosoman. Alai ndada holan di tongatonga ni halak Kristen na parjolo i non i masa. Na boi masa do i saleleng di portibion do pe hita dohot huria i, lumobi di ujung ni partingkian. Ai disi lam manggogo do sibolis i laho manggugai haporseaon ni halak Kristen i. Boi do diparalat sibolis i penguasa ni portibion dohot kelompok masyarakat na so porsea di Jesus laho mansusai halak Kristen i. Boi do ala ni elaela dohot godaan haportibion isara ni laho mangalului huaso, jabatan dohot arta portibion tarela halal Kristen i "murtad" manadinghon haporseaonna. Di son ma ringkotna halak Kristen i mangido gogo sian Tuhan i marhitehite Tondi Parbadia, asa boi marsihohot di haporseaonna, manahan sahat ro di ujungna. Ala ni i Ingkon rade do angka na porsea mangadopi haporsuhon godang saleleng di pardalananna di portibi on. Manaon ala ni haunduhonna tu Kristus dohot alani pangoloionna di hataNa masuk bagian na so tarsirang do i sian haporseaon ni halak Kristen.

2. Jamot ma maradophon angka panurirang dohot angka parjamita pargapgap. Angkup ni na masa haporsuhon godang tu angka na porsea i, sada tanda na dipabotohon Jesus masa di ujung ni partingkian ni portibion, i ma hehe angka panurirang pargapgap mangaliluhon torop jolma.

Jadi manjonokhon tingki parpudi i marhehean do angka panurirang pargapgap rodi angka parjamita pargapgap. Angka panurirang pargapgap dohot parjamita pargapgap ndang na naeng mamboan halak tu Jesus, alai mangalului hasangapon dohot pangmoan tu diri. Marhite angka jamita nasida torop do angka na porsea i sumurut sian haporseaonna. Angka na hot di haporseaonna tu hasintongan ni hata ni Debata dohot bibel i saotik do na tading. Angka na mangoku dirina na porsea manjalo " pangungkapon na imbaru" atik pe maralo do i tu na nidok ni hata ni Debata. On ma patubu angka pangaloon tu hasintongan ni Bibel i di tongatonga ni huria i. Di sandok portibion, martubuan do angka ilmu gaib, sihir, spiritisme dohot panombaon tu sibolis. Pengaruh ni angka setan ro di angka tondi na jahat lam tu gogona.

Mangaramoti diri maradophon sude angka angkal ni sibolis i, holan di bagasan haporseaon dohot holong na hot tu Kristus i do, marhite na marsihohot tu huaso ni Hata ni Debata.

Di ujung ni portibi on, lam tu raratna pe angka na so uhum, i ma ragam ni angka hajahaton na papeol uhum, jala lam tu ngalina hahoholongon ni roha ni torop jolma, alai anggo angka na marsihohot di haporseaonna tu Jesus i tongtong do mangolu di bagasan hasintongan dohot hatigoran ro di holong ni roha maradophon sude dongan jolma.

3. Tongtong mambaritahon Barita na uli taringot tu harajaon ni Debata tu liat portibi on.Tugas utama ni angka na porsea dohot huria i na pinasahat ni Jesus Kristus i ma mambaritahon barita na uli i tu sandok bangso na di portibi on (Mat. 28:18-20). Ingkon tu sude bangso do sahat barita na uli i. Barita na uli i i ma taringot tu harajaon ni Debata. Debata na gabe Raja marhite Jesus Kristus, mamboan hadameon, hatigoran dohot holong ni roha tu sandok jolma. Ingkon sahat do barita na uli i tu saluhutna bangso, dung pe i asa ro ujungna. Mambaritahon barita na uli i boi do marhite ulaon zending na pinatupa ni huria, alai boi do marhite na manghatindanghon di ngoluna barita na uli i i, i mangolu di bagasan hasintongan, hatigoran, hadameon dohot holong ni roha na sian Tuhanta.

Tugas mambaritahon barita na uli on do naung niulahon.ni angka apostel na parjolo i, i ma angka sisean naung niajaran ni Jesus, ro di angka na jinou ni Jesus secara khusus songon si Paulus. Marhite nasida nunga rarat barita na luli i di sandok portibion. Nunga marjongjongan angka huria di tongatonga ni angka bangso, tarmasuk di tongatonga ni bangsonta. Alai nang pe songon i ndang jadi mansohot huria dohot angka porsea mambaritahon barita na uli i, sahat ro di ujung ni tingki ni hasiangan on. Jadi di na ro Kristus songon Panguhum di ajal ni hasiangan on, i do deba sipertanggung jawabhonon.ni huria i dohot angka na porsea di jolo ni Kristus i. Asa unang adong na marsidalian mandok, ndang sahat tu hami barita na uli i.***

____________________________

Evangelium: Mateus 24:9-14

9 Dung i pasahatonna ma hamu tu haporsuhon, pola pusaonna do hamu, gabe hosoman ni bangso saluhutna hamu ala Goarhu.

10 Jadi torop ma targasip di tingki i, gabe masijehean jala masihosoman ma!

11 Dung i hehe ma lan panurirang pargapgap, mangaliluhon torop jolma.

12 Jadi ala na lam rarat na so uhum, lam tu ngalina ma haholongon ni roha di jolma godangan.

13 Alai na manahan ro di ujung, i do paluaonna.

14 Laos baritahononhon do barita na uli on na taringot tu Harajaon i di liat portibi on, laho mangkatindangkonsa tu saluhutna bangso; dung pe i, asa ro ujungna.

Epistel: 1 Samuel 2:1-10

1 Dung i martangiang ma si Hanna, ninna ma: Marolopolop ma rohangku mida Jahowa, timbul do tandukhu di bagasan Jahowa, na hirtap situtu do pamanganhu dompak angka musungku, umbahen na las rohangku di pangurupionMi.

2 Ndang adong na badia, tudoshon Jahowa, ai ndang adong dungkon ni Ho, jala ndang adong partanobatoan, dungkon ni Debatangku.

3 Unang sai datdati hamu manenganengahon haginjangon, unang ruar hata jungkat sian pamanganmuna, ai Jahowa do, Debata nampuna angka parbinotoan, jala Ibana dumasing angka pambahenan.

4 Marponggolan do sior ni ulubalang, jala marhohos hatogaron do angka naung mandate.

5 Angka na lobian na sai laon laho do mansari sipanganon, jala angka na rapar hian marlanggelangge; pola tubuan anak pitu na hol hian, jala merus boti sitorop anak hian.

6 Jahowa do na mamunu dohot na pangoluhon; Ibana patuathon tu banua toru dohot panangkokhon muse.

7 Jahowa do na mambahen pogos dohot mambahen mamora; Ibana do paijurhon, laos Ibana patimbulhon muse.

8 Ibana pahehehon sian orbuk halak na tarjepol hian, jala dipatimbul na pogos i sian gambo laho pahundulhon tu lambung ni angka na sangap, jala diturpukhon habangsa hamuliaon tu nasida, ai Jahowa do nampuna angka ojahan ni tano on, jala dipaojak di atasna hasiangan on.

9 Sai na ramotanNa do pat ni angka na niasianNa, alai sai parendeponNa do di bagasan haholomon ianggo angka parjahat i, ai ndada binahen ni hagogoon sandiri marhuaso baoa.

10 Sai na tunduk do bahenon ni Jahowa halak angka na mangalo Ibana; mangkuling ronggurNa di banua ginjang di atas nasida; Jahowa manguhum angka ujung ni tano on sogot, jala lehonNa hamuliaon tu RajaNa, jala patimbulonNa sogot tanduk ni MessiasNa.

Semua tanggapan:

8Sinta Uli Panjaitan, Marthin Tua Parningotan Silaen dan 6 lainnya

RENUNGAN MARKUS 12: 28-34, MANGHAHOLONGI DEBATA DOHOT DONGAN JOLMA (MENGASIHI TUHAN ALLAH DAN SESAMA MANUSIA) Markus 12: 28-34 Horas ma di hita. Selamat Ari Minggu XXIII dung Trinitatis ( 3 November 2024). Las ma rohanta marsomba tu Tuhanta, mamuji pasangaphon goar-Na, huhut tumangihon hata-Na sihangoluhononta. Disoarahon hata ni Debata do tu hita sadarion, na dienet sian buku evangelium Markus 12: 28-34, asa gabe parholong ni roha hita, i ma manghaholongi Debata dohot dongan jolma. Sadalan do na dua i, ndang boi pulikpulihon, jala dos do argana. Tanda ni na holong rohanta di Debata, ingkon holong do rohanta di dongan jolma. 1. Manghaholongi Debata. Sada pangajarion ni Jesus do turpuk on tu na mangihuthon Ibana. Marbonsir sian sungkunsungkun ni sahalak sibotosurat tu Jesus: Dia do patik na ummangat sian patik i sudena. Di pangajarion ni halak Jahudi nunga adong 613 patik, 248 i marrumang parenta, jala 365 marrumang oraora. Ala ni godang ni patik on, gabe jotjot ma tubu sungkunsungkun di roha ni halak, dia ma patik na ummangat sian angka patik i na songon i godangna. Alus ni Jesus tu na manungkun i marojahan tu inti ni pangajarion na diajarhon ni Debata tu halak Israel marhite si Musa, na digoari "shema Israel" ( 5 Musa 6: 4 d.u). Di "shema" i, tuntutan manghaholongi Debata dipadomu do tu panindangion haporseaon ni halak Israel i. Isi ni panindangion haporseaon disurathon do i di sada panuratan ni patik ni halak Israel. I ma na di goari "shema Israel". Lapatan ni pandohan i, "tangihon ma ale Israel". Di tongatonga ni keluarga ni halak Israel, ingkon sai dijahahon do i ganup manogot dohot borngin. Isi ni "shema Israel", na gabe pokok panindangion haporseaon ni halak Israel na mandok: "Tangihon ma ale Israel, anggo Jahowa Debatanta i Debata sasadasa do" (monotheisme). On do inti ni haporseaon ni halak Israel, na ingkon sihatindangonon nasida, laho mangalo haporseaon na manghaporseai godang debata (politheisme). Ingkon sai marsihohot do halak Israel songon bangso na pinabangkit ni Debata gabe harajaon hamalimon (2Musa 19: 6), na mansoarahon huhut manghatindanghon tu sandok bangso na sada do Debata. Domu tu panindangion i laos dipadomu do patik sihangoluhonon nasida na mandok: "Jala ingkon haholonganmu Jahowa, Debatam sian nasa roham dohot sian nasa ateatem dohot sian nasa gogom." Jadi ndang sae hita holan manghatindanghon na sada (esa) do Debata, alai ingkon haholonganta do Debata na sasada i, sian nasa roha, sian nasa ateate dohot sian nasa gogo. Lapatanna sian sandok ngolunta. Manghaholongi Debata sian nasa roha, marlapatan manghaholongi Debata sian sandok panghilalaan, pamingkirion, dohot sian sandok tondi. Sudena i tapasahat tu Debata, asa Debata na mangatur, manogunogu ngolunta hombar tu lomo ni roha-Na. Jadi manghaholongi Debata sian sandok ngolunta, tontu ndada holan marhite ibadah na bersifat liturgi i ulahononta, alai marhite na mangulahon angka na denggan do di ngolu siganup ari, na hombar tu lomo ni roha ni Debata. 2. Manghaholongi dongan jolma. Di "shema" Istael i ndang adong didok secara langsung manghaholongi dongan jolma. Alai di bagasan na manghaholongi Debata, nunga laos disi na manghaholongi dongan jolma. Ai molo manghaholongi Debata sian nasa ateate , sian nasa roha dohot gogo, nunga laos marlapatan i manghaholongi sude jadijadian manang na tinompa ni Debata, tarmasuk ma disi jolma na tinompa ni Debata. Alai dipatangkas Tuhan Jesus tu sahalak Siboto surat na ro manungkun Ibana do, na adong do patik na paduahon na dos argana dohot na parjolo i i ma: "Haholonganmu do donganmi songon dirim! Patik na ummangat sian na dua i ndang adong." Patik na paduahon on marojahan tu buku 3 Musa 19: 18, na mandok: "ingkon haholonganmu donganmu jolma songon dirim, ai Ahu do Jahowa". Di buku 3 Musa 19, mulai sian ay. 9, dipatorang do tu halak Israel songon dia manghaholongi dongan jolma, isarana: mangurupi dongan lumobi angka na pogos, ndang jadi manangko, margabus, mangarupa ( menindas) dongan jolma, ndang papeolhon uhum manang mangulahon hageduhon, ndang jadi manghosomi dongan, manang mambaloshon na jat alo ni na jahat. Sandok ingkon roha pangoluhon do rohanta di dongan jolma. Jala ndang marbatas manghaholongi dongan on holan tu dongan na jonok tu dirinta, manang alealenta, alai tu sude dongan jolma do, tarmasuk na marsogo ni roha mida hita manang na mansusai dirinta. Dipatangkas Jesus do on dijamita-Na di dolok na mandok: "Holong ma rohamu di musumuna; tangiangkon hamu ma angka na paburuburu hamu." (Mateus 5: 44). Sudena i tarulahon hita, molo mangolu holong ni roha ni Debata na di bagasan Kristus i, di bagasan dirinta. 3. Ummangat do na manghaholongi Debata dohot dongan jolma sian saluhut pelean. Di tongatonga ni halak Jahudi adong do na mangarajumi angka hahuranganna tu Debata nang tu dongan jolma boi ditobus marhite na pasahat pelean tu Debata. Di alus ni sibotosurat i tu Jesus, mansai tingkos do na nidok ni Jesus i taringot tu patik i, i ma na ummangat do manghaholongi Debata sian nasa ateate, sian nasa roha dohot sian nasa gogo, sian saluhut pelean situtungon nang pelean na asing pe. Ai boi do halak pasahat pelean tu Debata ndang sian unduk dohot holong ni roha tu Debata. Songon i muse dipasahat peleanna tu Debata ndada sian holong ni roha tu dongan jolma. Ai pelean na pinasahatna i na dapot ibana sian na mandobo donganna jolma, manang sian hasil korupsi. Ala ni i do di panindangion ni sibotosurat i tu Jesus, ummangat do na manghaholongi Debata dohot dongan jolma sian angka pelean na tapasahat tu Debata. Ndang na mandok na so ringkot na pasahat pelean tu Debata laho manumpahi ulaon di harajaon ni Debata. Tongtong do i mansai arga songon dalan manghamauliatehon asi ni roha dohot basabasa ni Debata na tajalo. Alai asa mararga pelean na tapasahat i tu Debata naeng ma peleanta i, na tubu sian holong ni rohanta tu Debata dohot dongan jolma. Ai halak naung manghaholongi Debata dohot dongan jolma, ndang dao be i sian harajaon ni Debata. Nunga mangolu ibana di bagasan harajaon ni Debata. Patik na marlaku di bagasan harajaon ni Debata, i ma patik holong do, i ma manghaholongi Debata sian nasa ateate, sian nasa roha dohot gogo jala manghaholongi dongan jolma dos dohot dirinta. Tanda ni na holong rohanta di Debata, i ma marhite na manghaholongi dongan jolma. I do umbahen didok hata ni Tuhanta marhite apostel Johannes: "Marroha holong ma hita, ala Ibana jumolo mangkaholongi hita! Pargabus do halak na mandok: Holong rohana di Debata; hape dihosomi do donganna. Ai na so mangkaholongi donganna na niidana, tung songon dia ma haholonganna Debata na so niidana? On do patik na tajalo sian Ibana: Na mangkaholongi Debata, i ma na mangkaholongi nang donganna". ( 1 Johannes 4: 19-21).*** _____________________________ Evangelium: Markus 12:28-34 28 Na dibege sibotosurat sahalak do nasida na masialusan i, gabe ro ma ibana jumonok; dung ditanda denggan ni alus ni Jesus, disungkun ma Ibana: Dia do patik na ummangat sian patik i sudena? 29 Dialusi Jesus ma ibana, didok ma: On do patik na ummangat: "Tangihon ma, ale Israel, Tuhan sasadasa do Tuhan Debatanta i. 30 Jala haholonganmu do Tuhan Debatam sian nasa ateatem, sian nasa hosam, sian nasa roham dohot sian nasa gogom! " 31 Ia patik paiduana, on do: Haholonganmu do donganmi songon dirim! Patik na ummangat sian na dua i ndang adong. 32 Jadi didok sibotosurat i ma tu Ibana: Tingkos didok ho, Guru, hombar tu hasintongan: Sada do Debata jala ndang adong na asing dungkon ni Ibana. 33 Jala manghaholongi Ibana sian nasa ateate, sian nasa roha dohot sian nasa gogo huhut manghaholongi dongan songon diriniba, ummangat do i sian saluhut angka pelean situtungon nang pelean na asing pe. 34 Dung dibege Jesus pantasna maralus, ninna ma mandok ibana: Ndang sadia dao ho sian harajaon ni Debata! Olat ni i ndang adong be na hum roha pasungkunsungkun Ibana. Epistel: 5 Musa 6:1-9 1 Alai on do tona, aturan dohot uhum, angka naung tinonahon ni Jahowa, Debatamuna i, podahononhon tu hamu, asa ulahononmuna di tano sisoluhonmuna i, dung taripar hamu tusi. 2 Asa marhabiaran ho tu Jahowa, Debatam jala diradoti ho saluhut aturanNa dohot tonaNa, angka naung hutonahon tu ho, songon i ho nang anakmu nang pahompum saleleng ho mangolu, asa tung hupaganjang umurmu. 3 Antong tangihon ma i, ale Israel, jala ringkoti mangulahon angka i, asa marhasonangan ho, jala asa lam torop situtu hamu, songon naung pinorbagabaga ni Jahowa Debata ni angka ompum tu ho, di tano habaoran ni susu dohot situak ni loba. 4 Tangihon ma, ale Israel, anggo Jahowa Debatanta i, Jahowa Sasadasa do. 5 Jala ingkon haholonganmu Jahowa, Debatam sian nasa roham dohot sian nasa ateatem dohot sian nasa gogom. 6 Jala ingkon parateatehononmu luhut hata on, angka na hutonahon tu ho sadarion. 7 Jala ingkon gogoonmu mangajarhon angka i tu angka anakmu, jala taringotanmu angka i, molo hundulhundul ho di bagasan jabum, manang mardalani ho di pardalanan, manang laho modom pe ho, nang dung hehe muse. 8 Jala ingkon rahuthononmu angka i bahen partinandaan di atas tanganmu, jala bahen parningotan di holangholang ni matam. 9 Jala ingkon surathononmu angka i tu tohang ni jabum dohot tu panggumbanganmu.

 MANGHAHOLONGI DEBATA DOHOT DONGAN JOLMA (MENGASIHI TUHAN ALLAH DAN SESAMA MANUSIA)

Markus 12: 28-34

Horas ma di hita. Selamat Ari Minggu XXIII dung Trinitatis ( 3 November 2024). Las ma rohanta marsomba tu Tuhanta, mamuji pasangaphon goar-Na, huhut tumangihon hata-Na sihangoluhononta. Disoarahon hata ni Debata do tu hita sadarion, na dienet sian buku evangelium Markus 12: 28-34, asa gabe parholong ni roha hita, i ma manghaholongi Debata dohot dongan jolma. Sadalan do na dua i, ndang boi pulikpulihon, jala dos do argana. Tanda ni na holong rohanta di Debata, ingkon holong do rohanta di dongan jolma.

1. Manghaholongi Debata. Sada pangajarion ni Jesus do turpuk on tu na mangihuthon Ibana. Marbonsir sian sungkunsungkun ni sahalak sibotosurat tu Jesus: Dia do patik na ummangat sian patik i sudena. Di pangajarion ni halak Jahudi nunga adong 613 patik, 248 i marrumang parenta, jala 365 marrumang oraora. Ala ni godang ni patik on, gabe jotjot ma tubu sungkunsungkun di roha ni halak, dia ma patik na ummangat sian angka patik i na songon i godangna. Alus ni Jesus tu na manungkun i marojahan tu inti ni pangajarion na diajarhon ni Debata tu halak Israel marhite si Musa, na digoari "shema Israel" ( 5 Musa 6: 4 d.u). Di "shema" i, tuntutan manghaholongi Debata dipadomu do tu panindangion haporseaon ni halak Israel i. Isi ni panindangion haporseaon disurathon do i di sada panuratan ni patik ni halak Israel. I ma na di goari "shema Israel". Lapatan ni pandohan i, "tangihon ma ale Israel". Di tongatonga ni keluarga ni halak Israel, ingkon sai dijahahon do i ganup manogot dohot borngin. Isi ni "shema Israel", na gabe pokok panindangion haporseaon ni halak Israel na mandok: "Tangihon ma ale Israel, anggo Jahowa Debatanta i Debata sasadasa do" (monotheisme). On do inti ni haporseaon ni halak Israel, na ingkon sihatindangonon nasida, laho mangalo haporseaon na manghaporseai godang debata (politheisme). Ingkon sai marsihohot do halak Israel songon bangso na pinabangkit ni Debata gabe harajaon hamalimon (2Musa 19: 6), na mansoarahon huhut manghatindanghon tu sandok bangso na sada do Debata. Domu tu panindangion i laos dipadomu do patik sihangoluhonon nasida na mandok: "Jala ingkon haholonganmu Jahowa, Debatam sian nasa roham dohot sian nasa ateatem dohot sian nasa gogom." Jadi ndang sae hita holan manghatindanghon na sada (esa) do Debata, alai ingkon haholonganta do Debata na sasada i, sian nasa roha, sian nasa ateate dohot sian nasa gogo. Lapatanna sian sandok ngolunta. Manghaholongi Debata sian nasa roha, marlapatan manghaholongi Debata sian sandok panghilalaan, pamingkirion, dohot sian sandok tondi. Sudena i tapasahat tu Debata, asa Debata na mangatur, manogunogu ngolunta hombar tu lomo ni roha-Na. Jadi manghaholongi Debata sian sandok ngolunta, tontu ndada holan marhite ibadah na bersifat liturgi i ulahononta, alai marhite na mangulahon angka na denggan do di ngolu siganup ari, na hombar tu lomo ni roha ni Debata.

2. Manghaholongi dongan jolma. Di "shema" Istael i ndang adong didok secara langsung manghaholongi dongan jolma. Alai di bagasan na manghaholongi Debata, nunga laos disi na manghaholongi dongan jolma. Ai molo manghaholongi Debata sian nasa ateate , sian nasa roha dohot gogo, nunga laos marlapatan i manghaholongi sude jadijadian manang na tinompa ni Debata, tarmasuk ma disi jolma na tinompa ni Debata. Alai dipatangkas Tuhan Jesus tu sahalak Siboto surat na ro manungkun Ibana do, na adong do patik na paduahon na dos argana dohot na parjolo i i ma: "Haholonganmu do donganmi songon dirim! Patik na ummangat sian na dua i ndang adong." Patik na paduahon on marojahan tu buku 3 Musa 19: 18, na mandok: "ingkon haholonganmu donganmu jolma songon dirim, ai Ahu do Jahowa". Di buku 3 Musa 19, mulai sian ay. 9, dipatorang do tu halak Israel songon dia manghaholongi dongan jolma, isarana: mangurupi dongan lumobi angka na pogos, ndang jadi manangko, margabus, mangarupa ( menindas) dongan jolma, ndang papeolhon uhum manang mangulahon hageduhon, ndang jadi manghosomi dongan, manang mambaloshon na jat alo ni na jahat. Sandok ingkon roha pangoluhon do rohanta di dongan jolma. Jala ndang marbatas manghaholongi dongan on holan tu dongan na jonok tu dirinta, manang alealenta, alai tu sude dongan jolma do, tarmasuk na marsogo ni roha mida hita manang na mansusai dirinta. Dipatangkas Jesus do on dijamita-Na di dolok na mandok: "Holong ma rohamu di musumuna; tangiangkon hamu ma angka na paburuburu hamu." (Mateus 5: 44).

Sudena i tarulahon hita, molo mangolu holong ni roha ni Debata na di bagasan Kristus i, di bagasan dirinta.

3. Ummangat do na manghaholongi Debata dohot dongan jolma sian saluhut pelean. Di tongatonga ni halak Jahudi adong do na mangarajumi angka hahuranganna tu Debata nang tu dongan jolma boi ditobus marhite na pasahat pelean tu Debata. Di alus ni sibotosurat i tu Jesus, mansai tingkos do na nidok ni Jesus i taringot tu patik i, i ma na ummangat do manghaholongi Debata sian nasa ateate, sian nasa roha dohot sian nasa gogo, sian saluhut pelean situtungon nang pelean na asing pe. Ai boi do halak pasahat pelean tu Debata ndang sian unduk dohot holong ni roha tu Debata. Songon i muse dipasahat peleanna tu Debata ndada sian holong ni roha tu dongan jolma. Ai pelean na pinasahatna i na dapot ibana sian na mandobo donganna jolma, manang sian hasil korupsi. Ala ni i do di panindangion ni sibotosurat i tu Jesus, ummangat do na manghaholongi Debata dohot dongan jolma sian angka pelean na tapasahat tu Debata. Ndang na mandok na so ringkot na pasahat pelean tu Debata laho manumpahi ulaon di harajaon ni Debata. Tongtong do i mansai arga songon dalan manghamauliatehon asi ni roha dohot basabasa ni Debata na tajalo. Alai asa mararga pelean na tapasahat i tu Debata naeng ma peleanta i, na tubu sian holong ni rohanta tu Debata dohot dongan jolma. Ai halak naung manghaholongi Debata dohot dongan jolma, ndang dao be i sian harajaon ni Debata. Nunga mangolu ibana di bagasan harajaon ni Debata. Patik na marlaku di bagasan harajaon ni Debata, i ma patik holong do, i ma manghaholongi Debata sian nasa ateate, sian nasa roha dohot gogo jala manghaholongi dongan jolma dos dohot dirinta. Tanda ni na holong rohanta di Debata, i ma marhite na manghaholongi dongan jolma. I do umbahen didok hata ni Tuhanta marhite apostel Johannes: "Marroha holong ma hita, ala Ibana jumolo mangkaholongi hita!

Pargabus do halak na mandok: Holong rohana di Debata; hape dihosomi do donganna. Ai na so mangkaholongi donganna na niidana, tung songon dia ma haholonganna Debata na so niidana?

On do patik na tajalo sian Ibana: Na mangkaholongi Debata, i ma na mangkaholongi nang donganna". ( 1 Johannes 4: 19-21).***

_____________________________

Evangelium: Markus 12:28-34

28 Na dibege sibotosurat sahalak do nasida na masialusan i, gabe ro ma ibana jumonok; dung ditanda denggan ni alus ni Jesus, disungkun ma Ibana: Dia do patik na ummangat sian patik i sudena?

29 Dialusi Jesus ma ibana, didok ma: On do patik na ummangat: "Tangihon ma, ale Israel, Tuhan sasadasa do Tuhan Debatanta i.

30 Jala haholonganmu do Tuhan Debatam sian nasa ateatem, sian nasa hosam, sian nasa roham dohot sian nasa gogom! "

31 Ia patik paiduana, on do: Haholonganmu do donganmi songon dirim! Patik na ummangat sian na dua i ndang adong.

32 Jadi didok sibotosurat i ma tu Ibana: Tingkos didok ho, Guru, hombar tu hasintongan: Sada do Debata jala ndang adong na asing dungkon ni Ibana.

33 Jala manghaholongi Ibana sian nasa ateate, sian nasa roha dohot sian nasa gogo huhut manghaholongi dongan songon diriniba, ummangat do i sian saluhut angka pelean situtungon nang pelean na asing pe.

34 Dung dibege Jesus pantasna maralus, ninna ma mandok ibana: Ndang sadia dao ho sian harajaon ni Debata! Olat ni i ndang adong be na hum roha pasungkunsungkun Ibana.

Epistel: 5 Musa 6:1-9

1 Alai on do tona, aturan dohot uhum, angka naung tinonahon ni Jahowa, Debatamuna i, podahononhon tu hamu, asa ulahononmuna di tano sisoluhonmuna i, dung taripar hamu tusi.

2 Asa marhabiaran ho tu Jahowa, Debatam jala diradoti ho saluhut aturanNa dohot tonaNa, angka naung hutonahon tu ho, songon i ho nang anakmu nang pahompum saleleng ho mangolu, asa tung hupaganjang umurmu.

3 Antong tangihon ma i, ale Israel, jala ringkoti mangulahon angka i, asa marhasonangan ho, jala asa lam torop situtu hamu, songon naung pinorbagabaga ni Jahowa Debata ni angka ompum tu ho, di tano habaoran ni susu dohot situak ni loba.

4 Tangihon ma, ale Israel, anggo Jahowa Debatanta i, Jahowa Sasadasa do.

5 Jala ingkon haholonganmu Jahowa, Debatam sian nasa roham dohot sian nasa ateatem dohot sian nasa gogom.

6 Jala ingkon parateatehononmu luhut hata on, angka na hutonahon tu ho sadarion.

7 Jala ingkon gogoonmu mangajarhon angka i tu angka anakmu, jala taringotanmu angka i, molo hundulhundul ho di bagasan jabum, manang mardalani ho di pardalanan, manang laho modom pe ho, nang dung hehe muse.

8 Jala ingkon rahuthononmu angka i bahen partinandaan di atas tanganmu, jala bahen parningotan di holangholang ni matam.

9 Jala ingkon surathononmu angka i tu tohang ni jabum dohot tu panggumbanganmu.

Semua tanggapan:

7Aman Panjaitan, Sinta Uli Panjaitan dan 5 lainnya

RENUNGAN AYUB 42: 1-6, GURU DOK NI DEBATA DO SALUHUTNA (TUHAN SANGGUP MELAKUKAN SEGALA SESUATU

 GURU DOK NI DEBATA DO SALUHUTNA (TUHAN SANGGUP MELAKUKAN SEGALA SESUATU

Job 42: 1-6

Horas ma di hita. Selamat Ari Minggu XXII dung Trinitatis ( 27 Oktober 2024). Las ma rohanta marsomba tu Tuhanta mamuji pasangaphon goar-Na, huhut tumangihon hata-Na sihangoluhononta. Disoarahon hata ni Debata do tu hita sadarion, na dienet sian buku Job 42: 1-6, asa tongtong marposniroha ni Debata, ai guru dok ni Debata do saluhutna. Na marlapatan do i saguru di Ibana do saluhutna nasa na adong. Ibana do nampuna huaso di nasa na adong, jala marhite huaso-Na i tarpatupa Ibana do saluhutna. Ndang adong na so tarpatupa Ibana. Tarida do i sian barita panaonon ni naposo ni Debata, i ma si Job. Manaon na porsuk situtu ibana di ngolu portibi on ndada ala adong diula ibana na so denggan manang hajahaton gabe ro uhum ni Debata tu ibana. Alai di mulana nunga dibaritahon di buku Job on, ndang adong baoa tudoshon ibana di tano on uju i, di daulatna, di tigorna, di biar ni rohana mida Debata, jala dipadao rohana sian hajahaton ( Job 1: . Alai diloas Debata ibana manaon haporsuhon, laho mangalo hata ni sibolis, na mandok, umbahen songon i pe pangalaho ni si Job, na marpambuat do ibana tu Debata, ala diramoti Debata do ibana di jabuna jala ditumpak di sude na niulana, gabe ibana diparianakhonon jala dilehon Debata ho di ibana hamoraon. Laho patuduhon na so sintong na nidok ni sibolis i, dipasahat Debata ma tu tangan ni sibolis i sude na adong di ibana, tarmasuk dohot dirina, asing ni hosana. Dungi habis ma sude artana i, mate sude anakhonna, jala ibana sandiri pe hona sahit puru, malala sude dagingna. Ndang diboto si Job boasa masa songon i tu ibana, ai ndang diboto ibana aha sangkap ni Debata marhite panaononna i. Nang pe songon i mangae sitaonon na mansaiborat ibana tongtongtong do marsihohot Ibana tu Debata, ndang mardosa si Job jala ndang manarita ibana tu Debata.

1.Tongtong ma hita marhaposan tu Debata. Songon si Job, nang pe manaon sitaonon na porsuk ibana tongtong do ibana marhaposan tu Debata. Dihaporseai rohana do, tongtong na denggan do pambaen ni Debata. Nang pe manaon na porsuk do ibana, alai pos do rohana manumpak tu na denggan do i bahenon ni Debata di tingkina. Diujung ni sitaonon ni si Job, ro do Debata mamangkulingi si Job, pabotohon sangkap ni Debata na sasintongna taringot tu ibana. Di halashon roha ni Debata do parsihohoton nisi Job i nang pe songon i porsukna sitaonon na masa tu ibana.Alai laos dipaingot Debata do si Job, na so tama manang ise pe jolma manarita tu Debata. Ai ndang adong manang ise pe na boi manalahon Debata di sude angka pambahenanna. Ala ni ringkot di ganup jolma tongtong marhaposan tu Debata, ai patar do muse di ujungna bahenon ni Debata angka na sinangkapan ni rohana. Di si do hahomion ni Debata. Ndang sai manigor boi sude antusan ni hita jolma na binahen-Na di ngolunta. Ala ni i do ditogutogu hita tongtong marunduk ni roha jala marserep ni roha tu Debata. Taingot ma sude na denggan do na binahen ni Debata. Molo diloas Debata masa tu hita jolma na maralo tu roha dohot pingkiranta, tarmasuk sitaonon ni halak partigor, dipatupa Debata do i sian sangkap dohot tujuanna na denggan. Jadi ndang boi salahononta Debata di angka ma binahenna tu hita jolma.

2. Angka dongan na di tanoon jotjot do mambahen ganggu rohanta. Ro do angka aleale ni si Job mandulo ibana di na masa sitaonon i. Anggo didok roha ni si Job nian hata apulapul na tau patoguhon roha dohot mangarahon si Job asa di bagasan habengeton do. Alai sudena alealena i manigor manguhumi si Job do. Dipaksa nasida do si Job manjalo pandapot dohot pingkiran nasida na mandok molo masa sitaonon na borat tu jolma ala ni angka parulaonna na jahat do i. Jadi songon pembalasan do i sian Debata tu angka jolma na mangulahon hajahaton. Alai ndang tarjalo roha ni si Job angka hata dohot pingkiran ni donganna i. Kenyataan do nang di angka na dibaritahon di buku na badia jotjot do diloas Debata manaon angka ma porsea. Alai laos boi do i songon ujian tu angka na porsea laho manguji haporseaonna. Didok apostel Jakobus,boi do dapot pasupasu di bagasan pangunjunan. Didok ibana di surat Jakobus 1: 2-4: "Ale angka donganku, las ni roha sambing ma rajumi hamu i, anggo madabu hamu tu bagasan ragam ni pangunjunan.

Boto hamu ma: Na mangkorhon habengeton do pangunjunan na tu haporseaonmuna.

Alai ingkon dihorhon habengeton i do ulaon na sun denggan, asa gabe rimpas hamu, angka na so marlindang, na so marnahurang".

3. Tatanda ma tongtong dirinta di adopan ni Debata. Si Job di bagasan sitaonon na masa tu ibana dohot di angka hata nang tangiangna pe ndang mardosa ibana. Alai maradophon angka alealena i na mangarajumi dirina, ndang adong na sala diulahon, naeng madabu do ibana tu kesombongan. Alai marhite parjumpanganna dohot Debata dohot marhite hata ni Debata na dipasahat tu ibana, gabe muba do pangantusion dohot pandandaon ni ibana tu Debata.

Diongkuhon ibana do muse hasalaanna jala rade do ibana unduk jala pangoloi tu Debata aha pe na masa tu dirina. Lam ditanda do dirina, hametmetonna dohot hahuranganna di adopan ni Debata. Alani i dilehon Debata do kesempatan tu ibana paubahon dirina. Di naung mananda ibana ise dirina di adopan ni Debata didok ibana ma: jora ma ahu, husolsolsoli madaginghu hundul di atas orbuk dohot sirabun. Jadi ala ni i sitaonon ni si Job i, boi nang patoguhon rohanta. Sitaonon ni jolma ingkon adong do ujungna, alai sadihari, Tuhanta do na umbotosa. Songon si Job, naung manaon haporsuhon, didapothon Tuhanta do. Dipatogu Tuhan do roha ni si Job, jala dipatuduhon Debata diriNa na lobi sian na piningkiran ni si Job hian. Di haporseaonta, dohot do Debata marhite Jesus Kristus manaon ma porsuk do laho manaluhon huaso ni si sibolis. Hira suman tusi do nang sitaonon si Job i. Dloas Debata ibana manaon na porsuk laho manaluhon sibolis i. Di ujungna diboto si Job do i, gabe lam mananda ma ibana di asi dohot holong ni roha ni Debata tu ibana.

______________________

Evangelium: Job 42:1-6

1 Dung i ninna si Job ma mangalusi Jahowa:

2 Nuaeng pe asa huboto, tung guru dokMu do luhutna, jala ndang hasundatan sangkap ni rohaM nanggo sada.

3 Ise do ibana na paholom tuptupan so marpanimbangaon? Tongon tahe, nunga huhatahon tutu na so huantusi; halongangan do angka i, salpu sian rohangku jala na so huboto.

4 Ua tangihon ma, naeng ahu mangkatai; adong do naeng sungkunonku tu Ho, asa Ho pabotohon tu ahu.

5 Nunga nian dibege pinggolhon lingona taringot tu Ho, alai anggo nuaeng nunga dohot matangku marnida Ho.

6 Dibahen i jora ma ahu jala husolsoli dagingku hundul di bagasan orbuk dohot sirabun.

Epistel: Markus 10:46-52

46 Dung i dibongoti nasida ma huta Jeriko. Jadi di na ruar Ibana sian Jeriko raphon siseanNa dohot halak natorop, adong ma hundul disi di pinggol ni dalan i sipanehenehe na mapitung, si Bartimeus, anak ni si Timeus.

47 Jadi dung dibege ibana, Jesus na sian Nasaret do i hape, dipungka ma manjoujouhon: O Jesus, Anak ni si Daud, asi ma roham mida ahu!

48 Lan do maminsang ibana, asa sip nian; alai lam digogo do manjouhon: Ale Anak ni si Daud, asi ma roham di ahu!

49 Jadi sulon ma Jesus, didok ma: Jou hamu ma ibana! Gabe dijou ma na mapitung i, didok ma mandok ibana: Pos ma roham! Hehe ma ho! Dijou do ho!

50 Jadi hatop ma ibana hehe, laho mandapothon Jesus; laos tading do anggo ulosna.

51 Dipanghulingi Jesus ma ibana: Aha dipangido roham sibahenonHu tu ho? Jala didok na mapitung i ma tu ibana: Gurunami, naeng marnida ma nian matangku!

52 Dung i didok Jesus ma tu ibana: Laho ma ho! Dipangolu haporseaonmi do ho. Jala mamintor marnida ma matana, laos diihuthon ma Jesus di sidalananna i.