RENUNGAN: 1 TIMOTEUS 6: 6 9: HADAULATON MARDONGAN SABAM NI ROHA

 

RENUNGAN: 1 TIMOTEUS 6: 6  9: HADAULATON MARDONGAN SABAM NI ROHA

 

Horas ma di hita. Selamat Ari Minggu XV dung Trinitatis. Las ma rohanta marsomba tu Tuhanta, mamuji pasangaohon goar-Na, huhut tumangihon hata-Na sihangoluhononta. Disoarahon hata ni Debata sian 1 Timoteus 6: 6-9 do tub hita asa taulahon hadaulaton ( ibadah) mardongan sabam ni roha, ai pangomoan godang i do hita.

1. Mangulahon hadaulaton. Hadaulaton i ma ibadah, ngolu parsombaon tu Tuhan i, na sai tongtong manghaburjuhon parsaoran tu Tuhan i dohot tu dongan jolma. Tujuanna i ma asa dapot habadiaon ni ngolu, paiashon diri sian ragam ni dosa na diulahon siganup ari. Ngolu ni halak Kristen i ma ngolu na marhadaulaton. Tangkas do i di paingothon apostel Paulus tu si Timoteus naung dirajumi songon anakna, jala na ditogutogu gabe naposo ni Debata mamaritahon barita na uli i huhut marmahani huria i. Sada sian sipaingot ni apostel Paulus tu ibana jala na gabe sipaingot tu sandok siihuthon Kristus, ima asa di pasomalsomal dirina mangulahon hadaulaton ( melatih diri untuk beribadah) ( 1 Tim.4: 7). Didok apostel Paulu, humaseaan do i sian na pabosihon daging ( melatih fisik ), ai marhite i hangoluan salelenglelengna dibagabagahon.Jadi ndada ngolu portibion na parjolo dibagagahon, alai ngolu na salelengleng ni leleng do, atik pe tongtong do panarihon ni Debata di angka na porsea di ibana di hangoluan na ringkot di portibion. Alai adong do na sala mangantusi hatiha i, jala sahat tu saonari pe torop do na marpangantusion na songon, i ma molo di haburjuhon sadasada halak mangulahon hadaulaton, asa dilehon Debata do di ibana hamoraon, dioloi Tuhan i nasa tangiangna na mangidohon angka na ringkot di ngolu portibion. Sahat tu saonari sai adong do angka parjamita na mambagabagahon na songon i, i ma molo dihaburjuhon beribadah, dihaburjuhon martangiang tu Tuhan i, ingkon sai pasupsuon ni Debata do ngoluna di ngolu pardagingon, marhasil tongtong ulaonna, lujuluju pangomoan, dohot angka na asing.

2. Mardongan sabam ni roha. Anggo hadaulaton na tutu hombar tu na pinodahon ni apostel Paulus di turpuk on, i ma hadaulaton na mardongan sabam ni roha. Di hata Indonesia didok " ibadah yang disertai rasa cukup". Boi manghasabamhon na adong di ibana. Ojahanna didok: "Ai ndang adong taboan tu hasiangan on, jala ndang tarboan hita agia aha laho ruar. Alai molo adong di hita sipanganon dohot parabiton, tahasamhon ma i (ay. 7-8). Aha do lapatan ni na manghasabamhon na adong. I ma, parjolo: boi tongtong manghalashon dohot manghamauliatehon aha na dijalo sian Tuhan i, nang pe ndang sai hombar i tu na pinarhagiot ni rohana. Paduahon, boi mamparhaseang dohot mamangke aha na pinasahat ni Tuhan i di bagasan tanggung-jawab.

Patoluhon, porsea na singkop do panarihonon ni Debata di ngolu on, ala ni ndang porlu holsoan di aha na ringkot di ngolu on.

Jadi sabam ni roha, ndang na menyerah tu nasib manang keadaan. Ndada dihorhon i halosohon mulaulaon, ndang passif, alai ingkon gogo do mulaulaon laho mamangke potensi na adong di dirina dohot pahembanghon aha na nilehon ni Tuhan i di ngoluon.

3. Mara tu na naeng mamora. Ingkon manat do hita mangantusi on. Ndada hamoraon i na sala, seolaholah ndang dihalomohon Tuhan i mamora angka anakhonna. Torop do angka na porsea di Tuhan i na dibaritahon di Buku Na Badia i na diloas Tuhan i mamora, isara ni si Abraham, Raja Salomo dohot angka na asing. Dipasupasu Tuhan i do nasida gabe mamora asa gabe pasupasu tu na humaliang. Na dipajamot di turpuk on, i ma angka na naeng mamora do. Lapatanna, i ma angka halak na hagiot manang tujuan ni ngoluna i ma naeng mamora. Hagiot na naeng mamora i na manggohi rohana.Didok apostel Paulus, "ia angka na naeng gabe mamora, madabu do tu bagasan pangunjunan dohot sambil dohot tu lan hahisapon haotoon, angka na mangago, na mangalonongkon jolma i tubagasan jea dohot hamagoan". Memang molo tujuan ni ngolu ni sadasada halak do asa mamora di portibion, ingkon sai tarunjun do i mangulahon ragam ni hajahaton, laho mangeahi hamoraon i, isara ni: manangko, manipu halak, korupsi, mangarampok, mamunu halak, d.a.n. Jadi parulaon na songon i do na manghorhon jea dohot hamagoan tu jolma. Raja Salomo na gabe mamora situtu ndang hea dipangido tu Tuhan i asa mamora ibana. Alai na dipangido pantas ni roha do, asa diboto mangarajai bangso Israel di bagasan uhum hatigoran. Alai dilehon Debata do di ibana hamoraon. Jadi sipangidoonta pantas ni roha do asa taboto mangula ulaon na denggan di ngolu on. Domu tu hagiot na naeng mamora i do, na nidokna di udut di turpukta on (ay.10), ima roha na holongan di hepeng, na gabe urat ni nasa hajahaton. On pe, ndada hepeng i na sala, manang ndada na mandok na so ringkot hepeng. Mansai ringkot do hepeng di ngoluon. Alai na sala i ma roha na holongan di hepeng. Humolong rohana di hepeng sian donganna jolma. Sipata ala ni hepeng dijehehon donganna, dihosomi, dipaotooto, sahat ro di na dibunu.

4. Pangomoan godang sian hadaulaton na mardongan sabam ni roha. Tontu ndada pangomoan manang paruntungan materiel, manang paruntungan portibion na nidokna disi, alai pangomoan di ngolu partondion do, i ma manean arta ni harajaon ni Debata. Marhite hadaulaton na mardongan sabam ni roha tarbahen hita manaluhon roha portibi na mamboan hita tu hamagoan salelelelengna. Arta ni harajaon ni Debata ndang hasuhatan argana, jala i do na ni omohon ni halak na mangulahon hadaulaton mardongan sabam ni roha. I do hamoraon partondion, na dos lapatanna dohot parbue ni tondi songon na nidokna di Galatia 5: 22 i, i ma: Holong dohot las ni roha, dame dohot lambas ni roha, habasaron, habasaon, haporseaon, halambohon dohot hatomanon.

________________

1 Timoteus 6:6-9

6 Pangomoan godang do tutu hadaulaton, anggo mardongan sabam ni roha.

7 Ai ndang adong taboan tu hasiangan on, jala ndang tarboan hita agia aha laho ruar.

8 Alai molo adong di hita sipanganon dohot parabiton, tahasabamhon ma i!

9 Ia angka na naeng gabe mamora, madabu do tubagasan pangunjunan dohot sambil dohot tu lan hahisapon haotoon, angka na mangago, na mangalonongkon jolma i tubagasan jea dohot hamagoan.

 

RENUNGAN 1 MUSA ( Kejadian) 15: 1- 6 MANGASAHON DENGGAN BASA DOHOT ASI NI ROHA NI DEBATA

 

RENUNGAN 1 MUSA ( Kejadian) 15: 1- 6  MANGASAHON DENGGAN BASA DOHOT ASI NI ROHA NI DEBATA

 

Horas ma di hita. Selamat Ari Minggu. Nuaeng nunga sahat hita tu Minggu Reminiscere, na marlapatan : Saingot ma angka denggan ni basam . Na marojahan do i tu Psalmen 25: 6 na mandok: Sai ingot ma, ale Jahowa, angka denggan ni basam dohot asi ni roham, ai sian na robi do angka i. Las ma rohanta marsomba tu Tuhanta sadarion,mamuji pasangaphon goar-Na huhut tumamgihon hata-Na sihangoluhononta. Disoarahon hata ni Tuhanta ( 1Musa 15: 1-6) hombar tu minggunta sadarion asa: MANGASAHON DENGGAN BASA DOHOT ASA NI ROHA NI DEBATA. Sada hasadaon do denggan basa ( rakhmat - bah. Ibrani: rahum) dohot asi ni roha ( kasih-setia, bah. Ibrani: hesed) ni Debata Songon dia do na mangasahon denggan basa dohot asi ni roha ni Debata, boi do i idaonta sian pardalanan ni ngolu ni si Abraham.

1. Tonggong marpos ni roha mangihuthon panogunoguon ni Debata. Tarida di ngolu ni si Abraham sian mulai pangoloionna di pajouon ni Debata tu ibana asa bungkas sian tano hagodangananna Ur Kasdim ( Irak) tu tano sipatuduhonon ni Debata na so binotona manang na dingkan dia. Ujungna ibana maringanan di huta Sikhem Tano Kanaan. Ndang adong ganggu ni rohana laho mangihuthon panjouon ni Debata tu ibana, nang pe nunga matua ibana hatiha i marumur 75 taon. Dirajumi ibana do denggan basa dohot asi ni roha ni Debata, olo Debata mamangke ibana pasauthon sangkap ni Debata.

2. Tongtong marpangkirimon di hasasaut ni janji manang bagabaga ni Debata. Bagabaga ni Debata tu si Abraham ima na lehonon ni Debata torop pinomparna dohot tano siingananna. Hatiha i ndang adong do pe anakna, jala ibana dohot dongan saripena si Sara nunga matua. Alai pos do rohana di Debata. Tinogutogu ni panghirimon di hasasaut ni bagabaga i tongtong do ibana marpos ni roha tu Debata, atik pe godang do angka pengalamanna na manganggu panghirimonna i. Isarana ingkon bungkas ibana dohot keluargana tu tano Misir siala haleon na masa di luatna. Hape di na so pamotoanna dalan ni Debata do i asa boi ibana mamora mulak sian i mamboan godang arta sian Raja Parao. Ditaban halak anak ni hahana si Lot, gabe ingkon marporang ibana paluahon si Lot, alai marhite i gabe mardongan ibana tu malim ni Debata di huta i na margoar si Melkisedek. Dipasupasu malim i ma si Abraham, asa ditumpak Debata ibana.

3. Pasahat ngoluna hibul tu Debata, ala ndang adong sipangasahonon di ngolu on. Tongtong do ro Debata mandapothon nahinaholongan ni roha-Na laho paposhon rohana asa unang mabiar mangadopi ragam ni parungkilon, laho pahehehon rohana asa dipasahat na hinolsohon ni rohana tu Debata. Dung manang sadia leleng ro do Debata mandapothon si Abraham marhite alatan, asa unang ganggu roha ni si Abraham. Didok Debata tu si Abraham: "Unang ho mabiar ale Abram. Ahu do lombulombum, upam mansai balga". Diboto Debata godang do pe angka mara siadopan ni si Abraham di ingananna na imbaru i sian angka bangso na humaliang. Ala ni i isara ni na marporang mansai ringkot di ibana lombulombu na mangondingi ibana maradophon sumbia ni angka musu asa malua ibana. Ala ni i ro do Debata paposhon roha ni si Abraham asa unang mabiar ibana maradophon manang ise pe ai Debata do lombulombu (perisai) na.

4. Pasahathon hohoi ni roha tu Debata marhite tangiang. Di na ro Debata mandapothon si Abraham, laos hatiha i martangiang do si ibana tu Debata pasahathon hoihoi ni rohana dohot na sai pinarungkilhonna mandok: "Oe ale Tuhan Jahowa, aha ma lehononmu di ahu? Sai na punu do ahu, si Elieser na sian Damaskus na ma sitean bagashu". Di bagasan tangiang on dipataridahon do pangidoanna asa haru dilehon Debata di ibana anak, asa unang punu ibana, jala asa unang gabe naposona si Elieser halak Damaskus i sitean bagasna. Di tangihon Debata do tangiang ni si Abraham i didok ma mandok ibana: "Ndang ibana tumean ho, na ruar sian butuham, ibana tumean ho. Dung i ditogihon Tuhan i ma ibana ruar tu balian, jala ninna: Ua tailihon ma dompak langit i jala bilangi angka bintang, molo habilangan ho angka i. Dung i didok muse tu ibana: Songon i ma pinomparmu sogot". Lapatanna, ndang halak na asing na tumean ibana, manang na tumean goarna alai anakna sandiri na tinubuhonna do.

5. Tongtong porsea di hata ni Debata. Porsea do si Abraham di hata ni Debata na pinasahat-Na tu ibana. Haporseaonna i do mambahen ibana boi mangolu di bagasan bagabaga ni Debata. Ndang ganggu rohana di bagabaga ni Debata, benget do ibana paimahon hasasaut ni na nidok ni Debata tu ibana. Haporseaon ni si Abraham i gabe hatigoranna do i dirajumi Debata. Laos ala ni i do umbahen na digoari ibana ama ni torop halak angka na porsea di Debata.Di tingki na binuhul ni Debata saut do nanidok ni Debata tu si Abraham. Dung marumur ibana 100 taon, ditubuhon ma si Isak marhite dongan saripena si Sara. Si Isak ma na umpompar halak Israel marhite anakna si Jakob. Pinompar ni di Jakob (Israel) nunga torop muse marserak tu sandok portibion. Alai targoar pinompar ni si Abraham do muse sude angka na porsea di Debata marhite Jesus Kristus, ima Israel na imbaru. I do umbahen didok surat na tu halak Heber muse songon torop ni bintang di langit dohot na sagodang ni rihit pinompar ni si Abraham ( Heber 11: 12).

1

 

RENUNGAN YESAYA 58: 9b-14: PASUPASU NI DEBATA TU ANGKA NA MARHADAULATON NA TUTU

 

RENUNGAN  YESAYA 58: 9b-14: PASUPASU NI DEBATA TU ANGKA NA MARHADAULATON NA TUTU

Horas ma di hita. Selamat Ari Minggu pa X dung Trinitatis( 21 Agust. 2022). Las ma rohanta marsomba tu Tuhanta sadarion, mamuji pasangaphon goar-Na, huhut tumangihon hata-Na sihangolujononta. Disoarahon hata ni Debata do tu hita sadarion na dienet sian Jesaya 58: 9b-14, asa tahangoluhon hadaulaton na tutu, ndada hadaulaton sipalensem, ai taruli pasupasu ni Debata do na marhadaulaton na tutu.

1.Pasiding ma hadaulaton sipalensem. Hadaulaton sipalensem i ma hadaulaton sipaulaula, idaon sian ruhut parduru hira halak na daulat roha ibana, hape rohana dohot pangulaonna digohi hajahaton do.

Torop do halak mangarajumi dirina naung halak na daulat roha molo nunga diulahon ruhutruhut parduru ni parugamaonna. Alai boi do marmara pangarajumion sisongon i, molo ruhut parugamoonna i diulahon ala ni onjar ni roha na sala, isara ni asa dipuji halak, asa dianggap halak ibana halak na daulat roha manang parugamo na tutu. Sada hadaulaton sipalensem na ditaringoti si Jesaya di jolo ni turpuk on i ma parpuasoon na sala. Nunga singkop dirajumi puasana i molo boi diulahon ndang mangan jala ndang minum. Alai penindasan, pangarupaon, penipuan, ro di ragam ni angka hajahaton na asing di ngolu siganup ari tong do diulahon. Ndang adong rasa kepedulian tu angka halak na susa dohot na patut siurupan. Hadaulaton sipaotooto na marsipalensem do na songon i. Didok Tuhan Jesus di Padan Na imbaru marjea do halak sisongon i (Mat. 25. d.u)

2. Mangulahon hadaulaton na tutu. Marhite ngolu hadaulaton (ibadah) isara ni parpuasoon, parsombaon tu Debata, partangiangon, ditogutogu do hita ndada holan mangaradoti hubungan tu Debata alai dohot do hubungan tu dongan jolma. Marhite parsombaon tu Debata, ditogutogu do hita asa mananda ise dirinta diadopan ni Debata, asa tapatutoru dirinta, songon jolma na lea nian di adopan ni Debata, alai dihaholongi jala diasii Debata do hita. Marhite i ditogutogu do hita manghaholongi Debata jala pasangaphon Debata. Alai tandana i ma marhite na holong rohanta tu dongan jolma jala olo hita mangargahon dohot mangasii dongan jolma lumobi angka na susa na patut siurupan.Marhite na mananda ise Debata, jala mananda dirinta ise diadopan ni Debata, ditogutogu do hita, paholangkon diri sian pangarupaon, sian tudutudu ni jarijari, dohot panghuling hajahaton. Pangarupaon i ma ragam ni penindasan tu dongan jolma, na mangampehon auga manang boban na borat tu dongan jolma. Tudutudu ni jarijari i ma na jotjot manudu hasalaan ni dongan, patubutubu hasalaan ni dongan laho manutupi hasalaanna sandiri. Mansai mura do mangampehon sala tu dongan jala mangampini diri sandiri. Panghuling hajahaton i ma angka pangkuling na sai girgir mangaleai manang mamurai dongan jolma manang pahatahata dongan. Alai ndang sae holanghon diri sian angka pangalaho sisongon i. Ingkon dohot do mangulahon angka na denggan isara ni mangalehon asi ni roha tu halak na male, dohot pasabam roha ni angka na dangol. Tontu diulahon i marhite angka ulaon parasi ni rohaon tu angka na patut siurupan, paluahon sian angka hasusaanna. Sandok molo tapangido asa dipasupasu Debata hita, ingkon rade do hita gabe pasupasu tu dongan na humaliang hita.

3. Pasangaphon Debata di ari na pinarbadianna. Hadaulaton na somal taantusi i ma marsomba (beribadah) tu Debata di ari na pinarbadianna. Di Padan na robi digoari do ari na pinarbadiaan ni Debata ari Sabat. Sabat lapatanna ari paradianan na pinarbadiaan ni Debata. Alai nunga dipaimbaru i marhite padan na imbaru, gabe di ari Minggu ma di ulahon angka na porsea di Jesus ari na pinarbadiaan ni Debata. Ari Minggu lapatanna ari ni Tuhan i, ala di ari i do ari hamonangan ni Jesus sian hamatean dohot ari hasasaor ni Tondi Porbadia. Ari minggu i ma gabe ari sabat (paradianan) di halak Kristen na porsea di Jesus. Didok di turpuk on ndang jadi mangulahon lomo ni roha, hagiot manang sangkapsangkap ni roha sambing hita di ari i, manang marhata rari. Marhata rari lapatan, marhata na so maraturan manang omong kosong. Alai ingkon gabe ari hasoloan do ari i tarajumi, ari na marmulia na tau pasangaphon Debata.

4. Pasupasu ni Debata tu angka na marhadaulaton na tutu. Ragam do pasupasu tu angka na mangulahon hadaulaton na tutu Parjolo didok, binsar ma hatiuronmu di bagasan haholomon. Dipatiur Debata roha na golap dohot roha na rundut, gabe tiur roha i jala dapot las ni roha. Paduahon ditogutogu Debata hita di pardalananta asa unang tartuktuk di angka buntulbuntul, jala asa unang tinggang di dalan na landit. Ditogutogu hita asa unang lilu di dalanta. Patoluhon, dipasabam rohanta di inganan na rahar. Pasupasu ni Debata do molo boi tahasabamhon silehonlehon ni Debata na tu hita, manang songon dia pe rumang ni silehonlehon i. Boi tongtong sonang rohana, ala ndang hurangan panghilalaanna. Paopathon, dipapir holiholinta, gabe margogo hita mandalani ariari ni ngolunta, mangula angka siulaonta ro di mangadopi angka tantangan ni ngolunta. Palimahon, dibaen hita songon porlak na nisiniram jala songon mual na so marsik.. Lapatan boi tubu angka suansuanan na denggan sian ngolunta, jala mabaor mual hangoluan. Dungi paonomhon angka pinomparta boi manguduti sundutta jala pahembanghon angka pasupasu ni Debata na sahat tu hita di tingki na salpu . Lapatanna ndang gabe gotap pasupasu ni Debata i olat ni sundutta, alai torus do sahat tu sundut na mangihut. Molo songon i boi ma hita tongtong marlas ni roha raphon Debata Jahowa.

Jesaya 58:9-14

9b Molo dipaholang ho sian tongatongam pangarupaon, tudutudu ni jarijari dohot pangkuling hajahaton.

10 Jala dilehon ho asi ni roham tu na male, jala dipasabam ho roha ni na dangol, jadi binsar ma hatiuronmu di bagasan haholomon, jala hagolaponmu tudoshon hos ni ari.

11 Jadi sai tongtong ma togutoguon ni Jahowa ho jala pasabamonna roham di angka inganan na rahar, jala papironna holiholim, gabe tudoshon porlak na siniram do ho, jala songon mual, na so dung marsik.

12 Jadi paulion ni angka anakmu ma angka pasipasi sian narobi, patindangonmu ma angka ojahan marsundutsundut, jala goaron ni halak ma ho: Sipauli angka riga, sitotas angka dalan balobung asa hainganan.

13 Molo tung ditait ho patmu sian ari Sabbat mangulahon lomo ni roham di ari habadiaonku, jala digoar ho ari Sabbat: Ari hasoloan, marmulia di angka jolma na badia ni Jahowa; jala dipasangap ho ibana, unang diulahon ho angka dalanmu, unang diihutihut ho lomo ni roham manang marhata rari.

14 Jadi marlas ni roha ma ho mida Jahowa, jala ahu manogunogu ho di atas ni angka buntulbuntul ni tano on, jala parmudumuduonku ma ho marhitehite parjambaran ni Jakkob ompumuna i, ai pamangan ni Jahowa do mandok songon i.

 

RENUNGAN Ulaon ni apostel ( Kisah Para Rasul) 9: 1- 6: MARHAMUBAON DUNG PAJUMPANG DOHOT JESUS.

 

RENUNGAN  Ulaon ni apostel 9:  1-  6:  MARHAMUBAON DUNG PAJUMPANG DOHOT JESUS.

Horas ma di hita. Selamat ari minggu. On ma minggu parjolo dung Ari Pesta Paskah di hurianta, na digoari: Quasimodogeniti, na marlapatan: Songon posoposo na imbaru tubu, na marojahan di 1 Petrus 2: 2-, na mandok: "Songon posoposo na imbaru tubu, uasan ma hamu di susu na tama, na so marlaok, asa lam magodang hamu, horhonon ni i, bahen haluaon,

molo tung naung didai hamu habasaron ni Tuhan i". Las ma rohanta marsomba tu Tuhanta, mamuji pasangap goar-Na, huhut tumangihon hata-Na sihangoluhononta. Disoarahon hata ni Debata na dienet sian Ulaon ni Apostel 9: 1-6 do, asa adong hamubaon dohot haimbaruon di ngolunta, dung dijou Tuhan i hita gabe sisean-Na. Gabe posoposo na imbaru tubu ma hita, dung tubu paduahalihon. Hataridaanna ndada na ingkon tardidi paduahalihon, alai marhite na patuduhon sikap dohot ngolu na imbaru do.

1. Na gabe tiruan i ma si Paulus. Muba ibana sian silelei halak Kristen i, gabe siondihon hakristenon marhite na marbarita na uli, mambaritahon panghophopon ni Jesus i di hajolmaon. Tanggal ma sian ibana ngoluna na leleng i, manang ngolu na buruk i gabe ngolu na imbaru. Ibana na mangolu di hapariseon na manghasogohon Kristus hian ala dirajumi do poda pangajarion ni Kristus i mangaleai Debata gabe siihuthon Kristus na sintong. Marsitutu hian do ibana dohot mamusa angka halak Kristen i, ala dirajumi ibana do pambahenanna na mangelele siihuthon Kristus i na pasangaphon Debata. Pola do dijalo ibana surat sian sintua ni malim laho mangulahon sangkapna i. Ndada holan tu halak Kristen na di tano Palestina dibahen ibana songon i, alai dohot do tu halak Kristen naung marserak tu luat na asing, ima tu luat Damaskus di tano Syria. Alai sian na so panagamanna di tongan dalan diambati Jesus do ibana marhite sillam na gogo situtu na mabahen ibana madabu tu tano jala sanga ndang marnida. Marhite i ditangkup Jedus ma si Paulus na margoar si Saulus i hian asa gabe sisean-Na na dohot gabe parbarita na uli manang apostel tu halak sipelebegu. Marhite na dipagkulingi jala ditangkup Jesus ibana, diboto ibana ma na mangolu do Jesus, na pinusa ni halak Jahudi i, hehe sian na mate. Ndang tutu songon na sai binaritahon ni halak Parise dohot angka sintua ni halak Jahudi na ditangko angka siseaanna i bangke ni Jesus, dungi sai didok ma naung hehe Jesus.

2. Ndada holan marhamubaon hita dipangido Debata, alai ingkon magodang do di bagasan Kristus. Isara ni posoposo na imbaru tubu ndada holan magodang di bagasan pardagingon ibana dihirim natorasna, alai ingkon magodang do di parrohaaon dohot parbinotoan na mambahen ibana lam tang laho mangadopi tantangan ni ngolu. Songon do i halak Kristen ingko lam magodang do di haporseaon tu Jesus, asa unang muramura dipalindaklindak na masa di portibi on, unang mura dihasut sibolis i. Ingkon magodang do haporseaon ni halak Kristen, asa manahan ibana ia tung godang pe dibolus hamaolon dohot sitaonon ala ni haporseaonna tu Jesus. Songon si Paulus atik pe dung ditangkup jala dipangke Debata ibana marbarita na uli tu sipelebegu godang do hasusaan dohot haporsuhon diae ibana. Alai ala naung tang haporseaonna pinargogooan ni Tondi Porbadia, manahan do ibana di sitaonon dohot haporsuhon i sahat ro do ujung ni ngoluna di portibi on.

3. Asa lam magodang hita di haporseaon ingkon sai uasan do hita di susu na na tama, susu na polin na so marlaok, i ma hata ni Debata. Hata ni Debata do na gabe hangoluan di hita, na mambahen magodang manang bertumbuh hita di bagasan haporseaon. Hata ni Debata do na boi patoguhon rohanta, asa unang muramura ganggu molo sipata ingkon tabolus hasusaan dohot sitaonon di portibion. Marhite hata ni Debata do nang boi mambahen hita manahan di angka pangunjunan dohot mangalo angka hagogoon ni sibolis na manghaliangi ngolunta. Ala ni i ingkon ringgas do hita tumangihon dohot manggurohon hata ni Debata. Ndang sude hata ni Debata tabo begeon tu panghilalaanta. Sipata doi posi maminsang manang paingothon hita asa marhamubaon. (MSM PANJAITAN)

 

AJARI MA HAMI MAMILANGI ANGKA ARIARINAMI (Psalmen 90: 1-12)

 

AJARI MA HAMI MAMILANGI ANGKA ARIARINAMI (Psalmen 90: 1-12)

Horas ma di hita.

Selamat Ari Minggu Ujung Taon Parhuriaon ma di hita na laos Parningotan di angka na monding. Ndang tahilala nunga tasalpuhon sataon ariari ni ngolunta dohot parhuriaonta. Di ari minggu na ro masuk ma hita tu taon baru parhuriaon. Ala ni i las ma rohanta marsomba tu Tuhanta sadarion, mandok mauliate tu Ibana siala pangaramotion-Na di hita na sataon on, huhut mamuji pasangaphon Goar-Na. Tatangihon ma nang hata-Na na gabe hangoluanta, patoguhon rohanta mandalani ariari ni ngolunta dohot mangulahon angka na denggan di bagasan panogunoguon ni Tuhan i.

Disosohon hata ni Tuhanta na dienet sian Psalmen 90: 1-12 do, asa:

1. Tapangido pangajarion sian Tuhan i, laho mamilangi angka ariari ni ngolunta". Didok di ayat 12 ni turpuk on: "Sai parroha i ma hami mamilangi angka ariarinami, asa dapotan roha na bisuk hami".

2. Mamilangi ariari ni ngolu, tontu nanidokna ndada holan mamilangi sadia godang ma ariari na nilehon ni Tuhan i naung tadalani. Alai tarlumobi ma mamilangi angka denggan basa ni Tuhan i naung tajalo di ngolunta, jala sadia godang ma sian denggan basa-Na i na taparhaseang manang tapangke laho pasangaphon Goar ni Tuhan i.

3. Laos tabilangi ma sadia leleng ma sian ariari na nilehon ni Tuhan i tapangke laho marsaor tu Tuhanta marhite partangiangon dohot na marsomba ( beribadah) tu Ibana, marsaor tu keluarganta, marsaor tu angka donganta, lumobi manogunogu angka anakhonta asa mananda di asi no roha ni Debata di ngoluna. Betak beha do gumodang ariari ni ngolunta i tapansuasaehon tu angka ulaon na naso marguna, manang laho pasombuhon hagiothagiot ni rohanta sambing.

4. Marhite na taboto mamilangi ariari ni ngolunta dohot mamilangi sude na taulahon i do hita dapotan roha na bisuk. Roha na bisuk ndang dos i dohot hapistaran secara intelektual, manang godang ni parbinotoan manang ilmu na diguruhon, alai silehonlehon ni Debata sambing do i marhite haradeonta manjalo pangajarion-Na laho mamilangi ariari ni ngolunta.

5. Taboto do ala ni panghorhon ni dosa i, hangaluton dohot halojaon na ma jambar ni ngolunta, jala jempek na ma tingki na na nilehon ni Tuhan i di hita di ngolunta di portibion, pardosdosanna 70 taon ro di 80 taon, ai atop do laho salpu jala habang do hita.Na marlapatan do i, sude do hita jolma ingkon marujung ngoluna. Alai marhite turpuk hata ni Debata sadarion disungguli do hita, asa taingot mangido pangajarion ni Tuhan i laho mamangke ariari ni ngolunta na jempek i mangula angka denggan, ndada holan di dirinta, alai dohot do di angka donganta jolma lumobi nang di harajaon ni Debata.

...

 

MAKNA NYANYIAN DALAM KEBAKTIAN

 

MAKNA NYANYIAN DALAM KEBAKTIAN

Nyanyian mengambil tempat yang sangat penting dalam kebaktian Kristen khususnya dalam kebaktian minggu. Setiap unsur dalam tata-kebaktian itu, misalnya di gereja HKBP,  selalu diselingi dengan  nyanyian, yang diambil dari Buku Ende ( Buku Nyanyian) HKBP). Sejak awal orang-orang Kristen Batak telah diajarkan “angka ende partondion” ( nyanyian rohani). Nyanyian-nyanyian yang diajarkan itu juga sangat besar pengaruhnya dalam menarik hati orang-orang Batak menjadi Kristen. Nyanyi-nyanyian itu juga diajarkan bagi anak-anak di sekolah, dan juga bagi anggota jemaat dalam kelompok-kelompk persekutuan yang lebih kecil, atau juga dalam setiap minggu sebelum memulai kebaktian. Ternyata kemudian diketahui bahwa orang-orang Kristen batak sangat berminat dengan nyanyian itu, dan banyak juga yang berbakat untuk menggubah lagu-lagu, baik lagu yang besifat rohani maupun yang bersifat umum. Nyanyian-nyanyian rohani yang diajarkan para missionar itu umumnya disadur atau diterjemahkan dari nyanyian-nyian Kristen di Eropa. Kemudian semuanya dikumpulkan dan diterbitkan dalam bentuk buku nyanyian. Pada awalnya buku nyanyian itu masih sebanyak 121 nyanyian (1881), kemudian bertambah menjadi 162 (1886), dan bertambah lagi menjadi 373 Nyanyian. Kemudian Zuster Elfride Harder seorang penginjil wanita yang khusus untuk mengajar dan membina kehidupan rohani kaum perempuan Kristen Batak, menyusun  sebuah “Buku Ende” yang diberi nama  “Haluan Na  Gok” (Keselamatan yang penuh)sebanyak 183 nyanyian, dan belakangan ini muncul “Buku Ende Sangap Di Jahowa” ( Kemuliaan bagi  Allah) sebanyak 308 nyanyian. Semuanya itu telah disatukan menjadi satu Buku Ende HKBP yang berisi 864 nyanyian. Dari situlah dipilih untuk mengisi tempat nyanyian dalam liturgi HKBP. Sejak semula nyanyian itu berfungsi untuk memberi semangat dan sukacita memuji Tuhan, dan membimbing anggota jemaat untuk menyatukan hati dan pikiran untuk memaknai setiap unsur litugi. Misalnya nyanyian yang dipilih untuk mengawali kebaktian sebelum votum  biasanya diambil dari Nyanyian Puji-pujian atau Nyanyian pada hari Minggu, untuk memusatkan hati dan fikiran  anggota jemaat untuk memuji dan memuliakan Tuhan dalam kebaktian itu. Lalu sebelum Pembacaan hukum Tuhan, maka nyanyian yang dipilih adalah yang bisa mengarahkan hati dan pikiran anggota jemaat untuk menghayati hukum Tuhan. Demikian juga dengan yang berhubungan dengan Doa Pengampunan Dosa, Pembacaan Epistel, Pengakuan Iman, sampai kepada nyanyian yang mendahului khotbah evangelium dan sesudahnya, adalah dipilih yang sesuai dengan semuanya itu, supaya nyanyian itu saling mendukung kepada setiap unsur dalam tata kebaktian itu. Alat musik juga bisa dipakai untuk membantu semarak dan kehikmatan dari kebaktian itu. Alat musik yang sejak awal  diperkenalkan oleh para missionar itu adalah “ poti marende “ (organ) yang dibunyikan dengan ayunan kaki. Suaranya memang begitu indah, dan bisa memikat hati. Sekarang organ ini pada umumnya telah dimainkan dengan tenaga elektronik. Di samping itu di banyak gereja, alat musik itu sudah banyak dipadukan dengan musik tiup bahkan alat musik tradisional, supaya kebaktian itu bisa dirasakan lebih semarak dan khidmat.

            Sejak awal juga sudah ada kebiasaan mengisi kebaktian minggu itu dengan koor atau kelompok  yang dinyanyikan oleh kelompok paduan suara dari anggota jemaat, mulai dari kaum ibu,  kaum bapak, kaum pemuda atau remaja ( naposobulung). Belakang ini kelompok paduan suara ini semakin banyak jumlahnya bisa saja dalam satu gereja mencapai lebih dari sepuluh kelompok paduan suara. Di beberapa gereja tertentu, ada yang membuat semua kelompok paduan suara itu mengisi setiap kebaktian minggu. Maksudnya membuat demikian ialah supaya anggota-anggota kelompok paduan suara itu datang beribadah ke gereja, tetapi kebijaksanaan seperti ini bisa menimbulkan rasa membosankan bagi anggota jemaat yang mengikuti ibadah. Tetapi yang ideal adalah tiga kelompok koor yang mengisi setiap kebaktian, supaya tidak membosankan. Itu pun, nyanyian dari kelompok koor itu harus disesuaikan dengan nama minggu, atau tema khotbah evangelium pada minggu itu, supaya nyanyian itu juga bisa mengarahkan hati dan fikiran anggota jemaat yang mengikuti kebaktian untuk memahami isi khotbah.  Karena itu  nyanyian koor itu  harus  lebih dulu dilatih dengan baik, sehingga tidak asal bernyanyi, karena fungsi dari nyanyian koor itu selain sebagai pujian kepada Allah, juga sebagai khotbah bagi anggota jemaat yang mendengarkan (msm).

           

MAKNA PERAYAAN PASKAH BAGI UMAT kRISTEN

 

Makna Perayaan Paskah Bagi Umat Kristen

 

Hari Raya Paskah adalah salah satu hari raya umat Kristen yang dirayakan setiap tahun. Nama hari raya Paskah dambil dari tradisi Yahudi yang juga dirayakan setiap  tahun. Perayaan itu dilakukan dalam waktu yang hampir  bersamaan yakni sekitar tanggal 14 bulan Nissan menurut penanggalan Yahudi ( akhir Maret atau awal April) tetapi dengan makna yang berbeda.   Bagi orang-orang Yahudi Paskah adalah pesta yang memperingati peristiwa keluarnya umat Israel dari perhambaan Mesir, yang dipimpin oleh Musa. Pembebasan itu dilakukan dengan mengorbankan anak domba, yang darahnya dioleskan di setiap tiang pintu rumah orang Yahudi di Mesir, dan dagingnya dimakan bersama  roti yang tidak beragi. Tradisi inilah yang tetap diingat oleh umat Yahudi setelah mereka berdiam di Tanah Kanan. Bahkan Yesus sebagai orang  Yahudi bersama dengan murid-uridnya juga merayakan Paskah itu dengan memakan korban anak domba dan roti tak beragi di sebuah rumah di Yerusalem  dua hari sebelum kematiannya.  

Orang-orang Kristen mula-mula juga  merayakan Paskah pada waktu yang bersamaan dengan Paskah Yahudi itu, tetapi dengan corak yang berbeda. Bagi orang Yahudi, hari Paskah itu adalah suatu hari yang penuh kegembiraan, dan suatu kesempatan bagi setiap keluarga untuk  berkumpul bersama-sama sebagaimana halnya dengan perayaan Natal bagi orang Kristen sekarang. Orang-orang Yahudi dari perantauan juga datang berkumpul di Yerusalem dengan membawa korban masing-masing. Akan tetapi orang-orang Kristen memulai Paskah tanggal 14 bulan Nissan itu dengan puasa yang sungguh-sungguh mengingat penyaliban yang terjadi bagi diri Yesus, dan baru kemudian diakhiri dengan  perayaan Ekaristi yang penuh sukacita, mengingat kebangkitan Yesus. Memang ada persamaan yakni sama-sama  mempunyai makna pembebasan dari perbudakan dengan adanya suatu korban. Bagi umat Yahudi Paskah mempunyai makna pembebasan Israel dari perbudakan Mesir dengan anak domba sebagai korban keselamatan , tetapi bagi umat Kristen Paskah itu merayakan pembebasan umat manusia dari perbudakan dosa dengan Yesus Kristus sebagai korban di kayu salib. Ke dua perayaan Paskah itu juga mempunyai  makna perayaan atas kasih Allah yang membebaskan umatNya. Dalam Paskan Yahudi Allah membebaskan umat Israel dari perbudakan Mesir dengan mengorbankan anak domba yang darahnya dioleskan  di tiang pintu rumah sebagai tanda jika Allah lewat (pasakh), mereka bisa selamat dan terhindar dari maut.

Paskah Kristen juga merayakan kasih Allah yang membebaskan umat manusia dari perbudakan dosa, dengan Yesus Kristus sendiri sebagai “Anak Domba” Allah yang dikorbankan dengan darahnya tercurah di kayu salib. Jadi makna Paskah bagi umat Kristen, adalah merayakan kasih Allah yang begitu besar dengan mengorbankan Anak-Nya yang tunggal mati di kayu salib, tetapi dengan kematian-Nya itu Dia mengalahkan kuasa maut itu, dengan kebangkitannya pada hari yang ketiga. Jadi kematian dan kebangkitan Yesus itu adalah satu kesatuan yang tidak bisa dipisahkan satu sama lain dalam perayaan Paskah. Kematian  Yesus tidak berarti apa-apa tanpa kebangkitan-Nya, dan kebangkitan Yesus itu mempunyai makna dengan melihat kepada kematian Yesus yang berjuang untuk melawan kuasa maut itu.

.

Kebiasaan merayakan paskah pada awalnya hanya dilakukan di kalangan orang Kristen yang ada di Palestina dan Asia Kecil. Sedangkan , di  gereja yang ada di wilayah Barat lama tidak dikenal, sehingga ketika Polykarpus, Uskup Smyrna mengunjungi Roma tahun 154, dia menganjurkan supaya jemaat di sana juga merayakan Paskah. Untuk itu dia meyakinkan Uskup  Roma bahwa perayaan Paskah adalah suatu kebiasaan yang diturunkan para rasul. Tidak lama setelah itu maka perayaan Paskah pun juga diikuti di Alexandria dan di Roma, mengikuti Paskah Yahudi itu. Perayaan Paskah itu dilakukan pada hari Minggu, mengingat kebangkitan Yesus yang terjadi tepat pada hari Minggu.

      Dari keterangan di atas nampak bahwa pesta Paskah merupakan suatu pesta yang sudah lama dilakukan oleh orang-orang Kristen, bahkan boleh dikatakan pesta itulah merupakan pesta yang paling tua dan paling besar dalam sejarah kekristenan. Pesta itu didahului dengan Jumat Agung sebagai perpuasaan mengingat penyaliban yang terjadi pada diri Yesus.

      Perpuasaan sebelum Paskah lambat laun diperpanjang dari dua hari menjadi 40 hari. Dalam beberapa gereja sekarang ini masa perpuasaan selama 40 hari itu disebut “Lent” dalam bahasa Inggris. Pada zaman gereja mula-mula hari Paskah juga merupakan hari yang disukai untuk mengadakan pembaptisan bagi orang-orang yang bertobat, sehingga masa 40 hari itu juga dipakai sebagai masa persiapan untuk baptisan itu. (MSM Panjaitan)