PARTORDING NI ULAON PARTUMPOLON DI HKBP

 PARTORDING NI ULAON PATUMPOLON DI HKBP

 

 

A.  Pangaradeon

1.      Sipatumpolon, natoras, saksi-saksi dohot sintuana marpungu di Konsistori asa rap martangiang.

2.      Manjaha dohot manangkasi taringot tu isi surat Parpadanan di Buku Partumpolon Huria.

3.      Dung martangiang rap masuk ma tu gereja.

B.  Partumpolon

01.   Marende:
BE. No 565 : 1 – 2                                           BL. 565

“Las Rohangku Lao Mamuji”

♫   Las rohangku lao mamuji Debata parholong i.

Songon bunga na mangerbang di na binsar ari i.

Arsak, dosa, haporsuhon mago dibaen asiMi.

Las ni roha na manongtong lehon di au Tuhanhi.

♫   Sude jadijadianMu, laut, tano. Langit i.

Angka bintang dohot bulan nang mata ni ari i.

Hauma, ladang nang harangan, rura dohot dolok i.

Saluhutna mangendehon sangap di Tuhanta i.

02. Votum – Introitus – Tangiang (U: Uluan; H: Huria)

U    :    Marhitehite Goar ni Debata Ama dohot Goar ni Anakna Tuhan Jesus Kristus dohot Goar ni Tondi Parbadia na tumompa langit dohot tano on.

H    :    Amen

U    :    Mandok mauliate ma hamu di Jahowa, ai na basa do Ibana, ai ro di salelenglelengna do asi ni rohana i.

H    :    Tung ise ma tuk mangkatahon angka hagogoon ni Jahowa, patubegehon baritana i sudena?

U    : Martua ma angka na mangaradoti uhum, na tongtong patupahon hatigoran. Haleluya. Martangiang ma hita: Ale Tuhan Debatanami na marhabangsa di banua ginjang. Mandok mauliate do hami tu Ho, ai asi ni rohaM do na papunguhon hami di joroMon, mangudurhon anak dohot boru ni huriaM, patumpolhon padan nasida di adopanMu sadarion, di sangkap nasida naeng mardongansaripe. Antong ro ma Ho tu tongatonganami laho manorangi roha dohot pingkirannami lumobi anak dohot boru ni huriaMi asa tung sian bulus ni roha dohot sian roha na masihaholongan nasida na patupahon parpadanan on. Patogu ma nang roha dohot haporseaon nasida, asa margogo nasida laho patulushon padan nasida i hombar tu lomo ni rohaM. Tangihon ma tangiangnami on, marhite Jesus Kristus Tuhan nami. Amen.

 

03. Marende:

 BE. No 147 : 1+3                                               BL. 78

“Jesus Hami Ro Dison”

♫   Jesus hami ro dison mangihuthon na nidokMu.

Ro do posoposo on ala na pinatikhonMu.

Ingkon do tu Ho boanon lao manjalo parpadanan.

♫   Ala ni hapogan do hami ro tu Ho o Tuhan.

Asa sahat ma tu Ho posoposo on, sai suan

Hangoluan tu rohana asa tong di Ho ibana.

04. Manjaha Surat Parpadanan

U    : Songon on tarsurat di buku partumpolon ni huria...

05. Manangkasi Sangkap Parbagason ni Pangoli dohot Oroan

(Pg: Pangoli; Or: Oroan; Par: Paranak; Pbr: Parboru; Natr: Natorop)

U    : Nunga tangkas dibege hamu taringot tu isi ni surat parpadanan i. Na manungkun ma ahu nuaeng jumolo di ho ale pangolin:....... Adong dope parbogason mu tu boru na asing na so marhaujungan do pe sahat tu tingki on? Molo tung adong do pe, ingkon jolo patureonmu do i, asa tarjalo ho pasupasu parsaripeon. Alusi ma...

Pg   : ...

U    : Songon i ma muse dohot tu ho oroan:............. Adong dope parbogason mu, manang na ditiop ho hata ni baoa na asing, na so marhaujungan dope sahat tu tingki on? Molo tung adong dope i, ingkon jolo patureonmu do i asa tarjalo ho pasupasu parsaripeon. Alusi ma:

Or   : ...

U    : Tu hamu natoras ni pangoli. Adong dope diboto hamu parbogason ni anakmuna on tu boru na asing, manang atik na hea dipaorohon hamu ibana tu boru ni tulangna, na so marhaujungan dope sahat tu tingki on? Molo tung adong dope i, ingkon jolo paturehon muna do i, asa tarjalo anakmuna on pasupasu parsaripeon. Alusi hamu ma:

Par  : ...

U    : Tu hamu natoras ni oroan. Adong dope diboto hamu parbogason ni boru muna on tu anak ni halak na asing, manang atik na hea dipaorohon hamu boru muna on tu anak ni namboruna, na so marhaujungan dope sahat tu tingki on? Molo tung adong dope ingkon jolo paturehon muna do i, asa tarjalo borumuna on pasupasu parsaripeon i. Alusi hamu ma.

Pbr : ...

U    : Tu hamu situan na torop. Adong dope diboto hamu parbogason ni anakhon ni hurianta  na dua on, manang na adong dipasahat nasida hatana tu halak na asing na so marhaujungan? Molo tung adong dope diboto hamu ingkon jolo tangkas do i dipature nasida na dua pihak, asa tarjalo nasida pasupasu parsaripeon. Alusi hamu ma

Natr  : ...                                                                                             

06. Manekken Surat Parpadanan (di buku partumpolon)

U    :    Nuaeng molo dung torang sude isi ni parpadanan i, ro ma hamu tu jolo on manekken songon tanda ni panolopion muna.

1)  Pangoli dohot Oroan,

2)  Natoras ni pangoli dohot natoras ni oroan,

3)  Saksi sian pangoli dohot saksi sian oroan,

4)  Sintua ni pangoli dohot sintua ni oroan,

5)  Parpudi sahali i ma na patumpolhon.

Dung sidung manekken surat parpadanan i, jongjong do pe sude na manekken i di jolo. Pihak parananak di siamun di na patumpolhon jalan pihak parboru di hambirang ni na patumpolhon. Dung sidung na menekken i  masijalangan ma na dua bolah pihak, laos hundul ma muse tu ingananna be.

 

07. MARSILEHONAN TINTIN

Uluan    :  Nuaeng pinasahat tu hamu masilehonan tintin songon tanda holong dohot hasatiaanmu di padan naung nidokmuna nadua di jolo ni Tuhanta dohot di jolo ni huria na pungu dison.

Pangoli  :  .......  sian tulus ni roha, hulehon ma tintin on songon tanda holong ni roha dohot hasatiaanku tu ho. Sai dipargogoi Debata ma au laho pasauthon na tapadanhon sadari on.

Oroan    :  ..............  sian tulus ni roha, hulehon ma tintin on songon tanda holong ni roha dohot hasatiaanku tu ho. Sai dipargogoi Debata ma au laho pasauthon na tapadanhon sadari on.

 

08. BOABOA:

Uluan : Pamasumasuon ditingtinghon dua hali di (huria ni paranak) dohot di ( huria ni parboru) Tingting I di ari Minggu ......dohot II di ari Minggu ....... Pasupasu pabagashon  dipatupa di ari  ….. pkl...... di gereja

 

09. Marende:
BE. No 212 : 1 – 2                                         BL No 24

“Haholongan Na Badia”

♫   Haholongan na badia, sian Tuhan Jesus i

Sai songgopi sai bongoti, roha dohot tondingku

♫   Las ni roha ni na sonang, di banuaginjang i

Sai pasonang sai pasabam, sihol na dirohangki

10. Jamita:

11. Marende:

 BE. No. 697 : 1 - ...                                         BL. 697

“Molo Ho do huihuthon”

(Pasahathon  Pelean Kantong I tu Huria & Kantong II tu Diakoni Sosial)

♫   Molo Ho do huihuthon dame sonang rohangki

Sai horas jala martua nasa na hinophopMi

Ho tongtong ihuthonongku Jesus sipalua au.

Ho sambing do oloan hu ala nii martua au

INSTRUMENTALIA

♫   Narade do au manaon, mangasahon padanMi

Molo ho na margogoihon talu haholomon i

Ho tongtong ihuthonongku Jesus sipalua au.

Ho sambing do oloan hu ala nii martua au

INSTRUMENTALIA

 

 

♫   Hupelehon ma diringku mangihuthon lomoMi

Ndada be na olo salpu na manggohi rohangki

Ho tongtong ihuthonongku Jesus sipalua au.

Ho sambing do oloan hu ala nii martua au

INSTRUMENTALIA

♫   Marparange na badia ma au diadopanMi

Sai patau ma au tiruan, songon pinangidoMi

Ho tongtong ihuthonongku Jesus sipalua au.

Ho sambing do oloan hu ala nii martua au

12. Tangiang Panutup – Pasupasu – Amen..., Amen..., Amen....

C.  Mandok Hata :

1.   Sian hasuhuton paranak

2.    Sian hasuhuton parboru

 

D.  Manjalang Calon Penganten dohot natoras calon pengantin.